جنیوا: پاکستان نے اقوام متحدہ کی تازہ ترین ای-گورننس رینکنگ میں ایک اہم سنگ میل عبور کر لیا-
باغی ٹی وی : اقوام متحدہ ای گورننس سے متعلق ممالک کی درجہ بندی جاری کردی گئی ہے اقوام متحدہ ای-گورنمنٹ ڈویلپمنٹ انڈیکس (ای جی ڈی آئی) میں پاکستان 14 درجہ بہتری کےساتھ ای گورننس میں136ویں نمبر پر آگیا،اس سے پہلے ملک کی درجہ بندی 2022 میں 150 پر تھی، جو اس کی ای گورننس کی صلاحیتوں میں خاطر خواہ ترقی کی عکاسی کرتی ہے،جبکہ پاکستان پہلی بار ای جی ڈی آئی کی ٹاپ رینکنگ میں شامل ہوا ہے۔
پاکستان اقوام متحدہ ای پارٹیسپیشن انڈیکس میں 88 ویں نمبرپرآگیا ہے جب کہ 2 سال قبل پاکستان ای پارٹیسپیشن انڈیکس میں 106 ویں نمبرپرتھا پاکستان کی ای پارٹیسپیشن ویلیو میں بھی بہتری آئی ہے اور ای پارٹیسپیشن ویلیو 0.36 سےبڑھ کر0.49 پرپہنچ گئی ہے-
پی ٹی آئی کا 7 اکتوبر کو کراچی میں جلسے کا فیصلہ
اس حوالے سے بات کرتے ہوئے وزیرمملکت برائے انفارمیشن ٹیکنالوجی شزہ فاطمہ نے کہا کہ ای گورنمنٹ درجہ بندی میں پاکستان کی14 درجہ بہتری ہوئی، ای گورنمنٹ کے لیے اقدامات پر وزیراعظم شہبازشریف کے شکرگزارہیں، ای گورنمنٹ کے لیے وزارت آئی ٹی اور نیشنل آئی ٹی بورڈ کا کرداربھی قابل تحسین ہے۔
