کراچی: پاکستان ریلویز نے عید الفطر کے موقع پر کراچی سے 2 خصوصی ٹرینیں چلا نے کا فیصلہ کیا ہے-
باغی ٹی وی : پاکستان ریلویز کے مطابق کے کراچی اپنوں میں عید منانے کے لیے جانے والوں کی پہلی ٹرین 7 اپریل کو شام 6 بجے پشاور کے لیے روانہ ہوگی، اس ٹرین کے اہم اسٹاپس میں حیدرآباد، ٹنڈو آدم، نواب شاہ،روہڑی، خانپور، بہاولپور،ملتان کینٹ، خانیوال، شورکوٹ کینٹ، ٹوبہ ٹیک سنگھ، گوجرہ، فیصل آباد،سانگلہ ہل، حافظ آباد،وزیر آباد، لالہ موسیٰ، جہلم،راولپنڈی، ٹیکسلا کینٹ، اٹک سٹی، نوشہرہ اور پشاور سٹی اسٹیشن شامل ہیں، خصوصی ٹرین 8 اپریل کو رات ایک بج کر 15 منٹ پرپشاور کینٹ پہنچے گی،خصوصی ٹرین 17 کوچز پرمشتمل ہوگی، جس میں 1046 مسافروں کی گنجائش ہوگی۔
پاکستان ریلویز کی جانب سے دوسری خصوصی ٹرین کراچی اور لاہور کے درمیان 8 اپریل کو رات 8 بج کر 15 منٹ پر چلائی جائے گی، ٹرین کراچی کینٹ اسٹیشن سے روانہ ہونے کے بعد لانڈھی، حیدرآباد، ٹنڈو آدم، نواب شاہ، روہڑی، صادق آباد،رحیم یار خان، خانپور، بہاولپور،ملتان کینٹ، خانیوال، میاں چنوں، چیچہ وطنی، ساہیوال، یوسف والا، اوکاڑہ، پتوکی، رائیونڈ اور کوٹ لکھپت پر رکتے ہوئے 9 اپریل کی شام تقریباً 6 بجے لاہورپہنچے گی، ٹرین 2 بزنس اور 2 اسٹینڈرڈ کلاس کوچزسمیت 18 کوچز پر مشتمل ہوگی۔
