بلائنڈ ٹی ٹوئنٹی ورلڈ کپ:پاکستان کی جنوبی افریقا کو 8 وکٹوں سے شکست

اسلام آباد: بلائنڈ ٹی ٹوئنٹی ورلڈ کپ میں پاکستانی ٹیم نے جنوبی افریقا کو 8 وکٹوں سے شکست دے دی۔

باغی ٹی وی : میچ میں جنوبی افریقا بلائنڈ کرکٹ ٹیم نے ٹاس جیت کر پہلے بیٹنگ کرتے ہوئے مقررہ اوورزمیں 7 وکٹ پر 129 رنز اسکورکیے لیسیڈی لے سوفی 24 رنزبناکرنمایاں رہے، ترہار 17 اور ٹیبوہو فرانسس نے 15 رنزبنائے،پاکستان بلائنڈ کی جانب سے بابرعلی نے دو اور شاہ زیب نے ایک کھلاڑی کوآؤٹ کیا۔

130 رنزکا ہدف پاکستان بلائنڈ ٹیم نے 11 ویں اوورزمیں دو وکٹ پر باآسانی حاصل کرلیا،نعمت اللہ 59 رنزبناکرنمایاں رہے، ظفر اقبال نے ناقابل شکست 33 اور محمد صفدرنے 13 رنزبنائے۔

افتتاحی روز کے ایک اور میچ میں سری لنکا نے نیپال کو مات دے دی، ایک اور میچ میں بنگلا دیش کو بھارت کے خلاف واک اوور دے دیا گیا۔