پاکستان ہر قسم کی دہشت گردی کی شدید مذمت کرتا ہے،دفتر خارجہ

پاکستان نے افغانستان میں دہشت گردانہ حملے کی شدید الفاظ میں مذمت کی ہے۔ دفتر خارجہ سے جاری بیان میں ترجمان دفتر خارجہ کا کہنا تھا کہ قندھار حملے میں قیمتی جانوں کانقصان ہوا اوربہت سےلوگ زخمی ہوئے، جس کی پاکستان سخت الفاظ میں مذمت کرتا ہے۔ترجمان دفتر خارجہ نے سوگوارخاندانوں سے تعزیت کا اظہار کیا اور زخمیوں کی جلد صحت یابی کے لیے دعا بھی کی۔ترجمان کا مزید کہنا تھا کہ دہشتگردی ایک مشترکہ تشویش ہے، جسے دونوں ممالک کو اجتماعی کوششوں کے ذریعے حل کرنے کی ضرورت ہے۔حکومت کے ترجمان کا کہنا تھا کہ پاکستان کی حکومت اور عوام سوگوار خاندانوں سے دلی تعزیت کا اظہار کرتے ہیں ، زخمیوں کی جلد صحت یابی کے لیے دعا گو ہیں۔ترجمان کا مزید کہنا تھا کہ پاکستان ہر قسم کی دہشت گردی کی شدید مذمت کرتا ہے، دہشت گردی ایک مشترکہ مسئلہ ہے جسے اجتماعی کوششوں کے ذریعے حل کرنے کی ضرورت ہے۔