امریکی حکومت نے پاکستان میں موجود اپنے شہریوں کو لائن آف کنٹرول کے قریبی علاقوں میں جانے سے گریز کرنے کی ہدایت جاری کی ہے۔
باغی ٹی وی کے مطابق اسلام آباد میں قائم امریکی سفارتخانے کی جانب سے اپنے شہریوں کے لیے ایک سفری انتباہ جاری کیا گیا ہے جس میں کہا گیا ہے کہ امریکی شہری موجودہ سیکیورٹی صورتحال کے پیش نظر لائن آف کنٹرول کے قریب جانے سے مکمل اجتناب کریں۔سفارتخانے نے خبردار کیا ہے کہ اگر کوئی امریکی شہری متنازع علاقوں میں موجود ہو تو فوری طور پر محفوظ مقامات پر منتقل ہو جائے۔ بیان میں مزید کہا گیا ہے کہ پاک بھارت کشیدگی کے باعث صورتحال مسلسل تغیر پذیر ہے اور امریکی حکام حالات پر قریبی نظر رکھے ہوئے ہیں۔
مزید برآں، سفارتخانے نے واضح کیا ہے کہ پاکستان کے اندر اور بیرون ملک فضائی سفر کی صورتحال بدستور غیر یقینی ہے۔ تاہم اسلام آباد، کراچی اور پشاور میں موجود امریکی سفارتی دفاتر معمول کے مطابق کام کر رہے ہیں اور امریکی شہریوں کو مکمل معاونت فراہم کی جا رہی ہے۔
پاکستانی ایف-16 گرانے کا دعویٰ سفید جھوٹ اور فیک نیوز ہے، سیکیورٹی ذرائع
پاکستانی ایف-16 گرانے کا دعویٰ سفید جھوٹ اور فیک نیوز ہے، سیکیورٹی ذرائع
مودی سرکار کی جعلی اے آئی ویڈیو بنا کر بھارتی قوم کو حوصلہ دینے کی ناکام کوشش
