پاک فوج نے 60 ویں یومِ دفاع و شہداء کے موقع پر ملک کے بہادر سپاہیوں اور شہداء کو خراجِ عقیدت پیش کیا۔
پاک فوج کے شعبۂ تعلقاتِ عامہ (آئی ایس پی آر) کے مطابق اس موقع پر فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد، نیول چیف ایڈمرل نوید اشرف اور ایئر چیف مارشل ظہیر احمد بابر سدھو نے شہداء کو یاد کیا۔آئی ایس پی آر نے کہا کہ 6 ستمبر 1965ء پاکستانی قوم کے عزم اور ناقابلِ شکست حوصلے کی علامت ہے، جب بہادر سپاہیوں نے دشمن کی کھلی جارحیت کا مقابلہ کیا۔ اس تاریخی دن دشمن کے ہتھیاروں اور تعداد میں برتری کے باوجود افواجِ پاکستان نے وطن کی حفاظت کی اور دشمن کے مذموم عزائم کو ناکام بنایا۔
پاک فوج نے مزید کہا کہ شہداء اور غازیوں کی قربانیاں آنے والی نسلوں کو حوصلہ دیتی ہیں اور افواجِ پاکستان ہر وقت ملک کے دفاع اور عوام کی مدد کے لیے تیار ہیں۔ حالیہ سیلاب متاثرین کی امداد میں بھی افواجِ پاکستان بھرپور کردار ادا کر رہی ہیں۔آئی ایس پی آر نے یقین دہانی کرائی کہ پاکستان کے امن کو نقصان پہنچانے کی ہر کوشش کا فیصلہ کن جواب دیا جائے گا اور پاکستانی مسلح افواج ہر قسم کے خطرے کا مقابلہ کرنے کے لیے ہمہ وقت چوکس ہیں۔
پاکستان زندہ باد، مسلح افواجِ پاکستان زندہ باد!
ٹرمپ کی دھمکیوں کے باوجود یورپی یونین کا گوگل پر جرمانہ
یوٹیوبر رجب بٹ کو جوئے کی ایپس کی تشہیر پر 9 ستمبر کو طلبی
یوٹیوبر رجب بٹ کو جوئے کی ایپس کی تشہیر پر 9 ستمبر کو طلبی
بھارتی فوج سرحدی علاقوں میں، پاک فوج نے ڈرون مار گرایا، سیلاب سے مارنے کی تیاری
