پاک فوج نے جاسوسی کی بھارتی کوشش ناکام بنا دی،بھارتی کواڈ کاپٹر مار گرایا
سکیورٹی ذرائع کاکہنا ہے کہ بھمبر کے علاقے مناور سیکٹر میں دشمن نے کواڈ کاپٹر کے ذریعے جاسوسی کوشش کی،پاک فوج نے ایل او سی پر بھارتی کواڈ کاپٹر مار گرایا،پاکستان سیکورٹی فورسز نے لائن آف کنٹرول پر فضائی حدود کی خلاف ورزی کرنے والے ایک بھارتی بغیر پائلٹ طیارے کو مار گرایا ہے۔ ڈرون کا ملبہ قبضے میں لے لیا گیا ہے جبکہ تحقیقات جاری ہیں۔ پاک فوج دشمن کی کسی بھی جارحیت کا فوری اور مؤثر جواب دینے کے لیے ہر دم تیار ہے۔
سیکیورٹی ذرائع نے اس واقعہ کی تصدیق کی ہے کہ پاک فوج نے بروقت کارروائی کر کے دشمن کی اس مذموم کوشش کو ناکام بنا دیا، یہ واقعہ پاک فوج کی مستعدی، پیشہ ورانہ مہارت اور دفاعی تیاری کا منہ بولتا ثبوت ہے، پاک فوج دشمن کی کسی بھی جارحیت کا فوری اور مؤثر جواب دینے کے لیے ہر دم تیار ہے، پوری قوم افواجِ پاکستان کے ساتھ ملکر دشمن کو ہر محاذ پر منہ توڑ جواب دیں گی، انشاء اللّٰہ
