پاکستان نے بھارتی وزیر خارجہ کے حالیہ بیانات کو غیر ذمہ دارانہ اور گمراہ کن قرار دے کر سختی سے مسترد کر دیا ہے۔
دفتر خارجہ کی جانب سے جاری بیان میں کہا گیا ہے کہ اعلیٰ سفارتکاروں کو دنیا میں امن اور ہم آہنگی کے فروغ کا پیغام دینا چاہیے، نہ کہ اشتعال انگیز بیانات سے ماحول کو خراب کیا جائے۔بیان میں کہا گیا ہے کہ بھارت پاکستان کے خلاف جھوٹا اور گمراہ کن بیانیہ اختیار کر کے اپنی سرحدوں سے باہر دہشت گردی کی سرپرستی کو چھپا نہیں سکتا۔ اس کے علاوہ بھارت مقبوضہ کشمیر میں ریاستی ظلم و جبر کو بھی عالمی برادری سے نہیں چھپا سکتا۔
دفتر خارجہ نے بھارت کو حالیہ اشتعال انگیز اقدامات کا جواز تلاش کرنے سے باز رہنے کا مشورہ دیتے ہوئے کہا کہ پاکستان امن، بات چیت اور سفارت کاری پر یقین رکھتا ہے لیکن اپنی خودمختاری کے تحفظ کے لیے مکمل صلاحیت اور عزم بھی رکھتا ہے۔مزید کہا گیا کہ بھارت کا بیانیہ اس کی ناکام فوجی مہم جوئی اور مایوسی کی عکاسی کرتا ہے۔
دہشت گردی کے خلاف جنگ میں پاکستان اہم شراکت دارہے، جنرل مائیکل ایرک کوریلا
عمران خان کی رہائی نظر نہیں آ رہی،علیمہ خان پارٹی قیادت سے مایوس
اجتماعی زیادتی کے ملزم کی پولیس مقابلے میں ہلاکت کا خدشہ ،درخواست دائر