پاکستان شاہینز نے ٹاپ اینڈ ٹی ٹوئنٹی سیریز کے چھٹے میچ میں سنسنی خیز مقابلے کے بعد نیپال کو ایک رن سے ہرا کر سیمی فائنل کے لیے کوالیفائی کر لیا۔
پاکستان شاہینز نے پہلے بیٹنگ کرتے ہوئے 20 اوورز میں 9 وکٹوں کے نقصان پر 144 رنز بنائے۔ کپتان عرفان خان نے 42، عبدالصمد نے 26 اور وسیم جونیئر نے 23 رنز کی اننگز کھیلی جبکہ سومپال کامی نے 3 وکٹیں حاصل کیں۔ہدف کے تعاقب میں نیپال کی ٹیم 20 اوورز میں 7 وکٹ پر 143 رنز بنا سکی۔ آخری اوور میں نیپال کو جیت کے لیے 8 رنز درکار تھے مگر وہ اسکور نہ کر سکے۔
پاکستان شاہینز کی جانب سے وسیم جونیئر اور فیصل اکرم نے 2، 2 وکٹیں حاصل کیں۔ وکٹ کیپر غازی غوری نے شاندار کارکردگی دکھاتے ہوئے 2 اسٹمپڈ کیے اور 2 رن آؤٹ میں بھی شریک رہے۔اس سے قبل پاکستان شاہینز نے ایڈیلیڈ اسٹرائیکرز کو 107 رنز سے شکست دی تھی۔
صدر ٹرمپ کا نیشنل گارڈز کے ساتھ واشنگٹن میں گشت کا اعلان
وزیراعظم کا خیبرپختونخوا میں سیلاب متاثرین کی مکمل مدد کا حکم
ہردس میں سے چار وزرائے اعلیٰ کے خلاف فوجداری مقدمات
کبوتر پکڑ لیا،سرنڈر مودی کے ساتھ ہاتھ ہوگیا، گودی میڈیا ہلکان
