پاکستان میں کرونا سے اموات میں کمی نہ آ سکی،مریضوں میں بھی اضافہ

پاکستان میں کرونا سے اموات میں کمی نہ آ سکی،مریضوں میں بھی اضافہ
باغی ٹی وی کی رپورٹ کے مطابق پاکستان میں کرونا کی دوسری لہر جاری ہے، کرونا مریضوں اور اموات میں مسلسل اضافہ ہو رہا ہے

این سی او سی کے مطابق کرونا سے پاکستان میں مزید 56 اموات اور ایک ہزار 165 نئے مریض سامنے آئے ہیں۔پاکستان میں کورونا سے اموات کی مجموعی تعداد 12 ہزار 436 تک پہنچ گئی جبکہ متاثرہ افراد کی مجموعی تعداد 5 لاکھ 65 ہزار 989 ہو گئی ہے۔ملک میں کورونا سے 5 لاکھ 28 ہزار 545 افراد صحتیاب ہو چکے ہیں اور زیر علاج مریضوں کی تعداد 25 ہزار 8 ہے۔

این سی او سی کے مطابق کورونا کے سبب پنجاب میں 5 ہزار 114 افراد جان کی بازی ہار چکے ہیں جبکہ سندھ میں 4 ہزار 244، خیبر پختونخوا میں 2 ہزار 7، اسلام آباد میں 486، گلگت بلتستان میں 102، بلوچستان میں 199 اور آزاد کشمیر میں 284 افراد جان کی بازی ہار چکے ہیں۔

این سی او سی کے مطابق اسلام آباد میں کورونا کیسزکی تعداد 42 ہزار 921، خیبر پختونخوا میں 70 ہزار 123، سندھ میں 2 لاکھ 54 ہزار 286، پنجاب میں ایک لاکھ 65 ہزار 200، بلوچستان میں 18 ہزار 954، آزاد کشمیر میں 9 ہزار 562 اور گلگت بلتستان میں 4 ہزار 943 افراد کورونا سے متاثر ہوچکے ہیں۔

این سی او سی کے مطابق کراچی میں کورونا کے مثبت کیسز کی شرح 10.68 فیصد ہے۔ اسلام آباد میں 1.18فیصد، خیبر پختونخوا میں 5.25، پنجاب5.97 اور سندھ میں مجموعی طور پر مثبت کیسز کی شرح 10.23 فیصد ہے۔کورونا کی دوسری لہر کے دوران مثبت کیسزمیں نمایاں کمی ہوئی اور شرح تین اعشار نو فیصد ہوگئی ہے۔ صورتحال 10 نومبر سے قبل کے حالات کی جانب واپس آ گئی ہے۔