پاکستان فلم انڈسٹری کے سینئر اداکار چل بسے
پاکستان فلم انڈسٹری کے سینئر اداکار اعجاز درانی وفات پا گئے
سینئر اداکار اعجاز درانی 88برس کی عمر میں انتقال کرگئے اعجاز درانی نے فلم ہیر رانجھا میں رانجھا کا کردار ادا کیا تھا ,اہلخانہ کے مطابق اعجاز درانی طویل عرصے سے علیل تھے،اور ہسپتال میں زیر علاج تھے ان کی نماز جنازہ بعد نماز ظہر گارڈن ٹاؤن میں ادا کی جائے گی۔
اعجاز درانی کی پیدائش جلال پور جٹاں کے نواحی گاؤں میں 1935ء میں ہوئی۔ ہدایت کار منشی دل کی فلم ’حمیدہ‘ میں وہ بہ طور ساتھی اداکار متعارف ہوئے، یہ فلم 1956 میں ریلیز ہوئی۔
فلم ساز داؤد چاند کی اردو فلم ’مرزا صاحباں‘ میں بھی وہ سائیڈ ہیرو تھے۔ تاہم 1957 کی ریلیز فلم ’بڑا آدمی‘ میں بطور ہیرو ان کی پہلی فلم تھی جسے ہمایوں مرزا نے ڈائریکٹ کیا۔ دوستی‘ ’ہیر رانجھا، ’شعلے‘ جیسی باکس آفس پر تہلکہ مچا دینے والی فلمیں بحیثیت فلم ساز اعجاز درانی کے کریڈٹ پر ہیں۔
انہوں نے پہلی شادی ملکہ ترنم نور جہاں سے اور دوسری شادی فردوس سے کی لیکن دونوں شادیاں طلاق پر ختم ہوئیں۔
