باغی ٹی وی: ترجمان دفتر خارجہ شفقت علی خان نے ایران اور اسرائیل کے درمیان جنگ بندی پر پاکستان کا مؤقف جاری کرتے ہوئے کہا ہے کہ پاکستان جنگ بندی کا خیر مقدم کرتا ہے اور دونوں فریقین سے اس پر مکمل عمل درآمد کا مطالبہ کرتا ہے۔
دفتر خارجہ کی جانب سے جاری بیان میں کہا گیا ہے کہ پاکستان خطے میں سفارت کاری کی بحالی کی تمام کوششوں کو سراہتا ہے اور ہمیشہ مذاکرات اور سیاسی عمل کے ذریعے امن و استحکام کے قیام کا حامی رہا ہے۔ترجمان کا کہنا تھا کہ خطے میں امن صرف طاقت کے استعمال سے گریز اور اقوام متحدہ کے چارٹر کی پاسداری سے ہی ممکن ہے، پاکستان اس سلسلے میں ہونے والی تمام کوششوں کی مکمل حمایت جاری رکھے گا۔
واضح رہے کہ امریکا کے صدر ڈونلڈ ٹرمپ نے بھی ایران اور اسرائیل کے درمیان جنگ بندی کی تصدیق سماجی رابطے کی ویب سائٹ پر جاری ایک بیان میں کی تھی، جو قطر میں امریکی فوجی اڈوں پر ایرانی حملوں کے بعد سامنے آیا۔
سابق وزیراعظم آزاد کشمیر سردار تنویر الیاس پیپلزپارٹی میں شامل
ابھینندن کو گرفتار کرنے والے ہیرو میجر معیز عباس جنوبی وزیرستان میں شہید
کشن گنگا اور رتلے منصوبے: پاکستان نے کارروائی روکنے کی بھارتی درخواست مسترد کردی
بھارت کا ٹیسٹ کرکٹ کی تاریخ میں نیا بدترین ریکارڈ
نئی دہلی میں فلسطین حامی تنظیموں کا احتجاج، اسرائیلی مظالم اور مودی حکومت پر شدید تنقید
