پاکستان کے ساتھ کسی بھی سطح پر باہمی سیریز نہیں ہونی چاہیئے،گوتم گھمبیر

نئی دہلی: بھارتی کرکٹ ٹیم کے سابق اوپنر اور انتہاپسند بی جے پی رہنما گوتم گھمبیر کا کہنا ہے کہ پاکستان کے ساتھ کسی بھی سطح پر باہمی سیریز نہیں ہونی چاہیئے۔

باغی ٹی وی : پاک بھارت مقابلے سے قبل بھارتی ٹیم کے سابق اوپنر گوتم گھمبیر نے انٹرویو دیتے ہوئے کہا کہ ایشیاکپ بھارت اگر پاکستان نہیں جاتا تو بی سی سی آئی کا فیصلہ ہے، میں نہیں سمجھتا کہ پاکستان کے ساتھ کسی بھی سطح پر باہمی سیریز ہونی چاہیئے کیونکہ کرکٹ ایک بہت چھوٹی سی چیز ہے اور جو انسان وہاں بارڈر پر کھڑا ہے وہ زیادہ ضروری ہے-

ہم اپنی ٹیم پاکستان نہیں بھیجیں گے، آپ مت کھیلو ہمارے ساتھ،ہربھجن سنگھ آپے سے باہر ہوگئے

انتہا پسند بی جے پی رہنما اور سابق کرکتر نے کہا کہ جب تک وہں یعنی بارڈر پر حالات بہتر نہیں ہو جاتے تب تک پاک بھارت کی باہمی سیریز نہیں ہو نی چاہیئے-

گوتم گھمبیر نے مزید کہا کہ جب بارڈر پر ہمارے فوجی مارے جارہے ہوں تو ہم کیسے میچ کھیل سکتے ہیں، میرے جواب پر کچھ ضرور سوال اٹھائیں گے کہ آپ نے کیوں ایشیاکپ میں وقار اور وسیم اکرم کے ساتھ کمنٹری کی، جس پر انہوں نے کہا کہ میرے بس میں ہوتا تو وہ میں نہیں کرتا۔

ٹی ٹوئنٹی ورلڈ کپ : پاکستانی ٹیم فتح کے لئے پُرجوش

سابق کرکٹر نے مزید کہا کہ غیر ملکی کوچز بھارت صرف پیسہ کمانے آتے ہیں، انکے ہماری ٹیم کیلئے کوئی جذبات نہیں ہوتے۔ مجھے خوشی ہے کہ انیل کمبلے، راہول ڈریوڈ اور روی شاستری جیسے کرکٹرز ہماری ٹیم کی کوچنگ کرتے رہے ہیں۔

اسی پروگرام میں سابق بھارتی کرکٹر عرفان پٹھان نے پوچھے گئے سوال کے جواب میں کہا کہ پہلے ملک اور قوم پھر کرکٹ-

پاک بھارت میچ میں پریشر دونوں ٹیموں پر ہوتا ہے،کپل دیو