ترجمان دفترخارجہ شفقت علی خان نے ہفتہ وار نیوز بریفنگ میں کہا ہے کہ اسلام آبادمیں مسلم ممالک میں خواتین کی تعلیم سے متعلق کانفرنس کاانعقاد کیاگیا.
ترجمان دفتر خارجہ کا کہنا تھا کہ کانفر نس میں وزیراعظم شہبازشریف نے خواتین کی تعلیم کی اہمیت پرزوردیا . وزیراعظم نے کانفرنس کوپاکستان میں تعلیم کے شعبے میں اصلاحات سے آگاہ کیا. وزیراعظم نے سیکرٹری جنرل مسلم ورلڈلیگ اور سیکرٹری جنرل اوآئی سی سے ملاقاتیں کیں.پاک چین دوطرفہ سیاسی مشاورت کاچوتھااجلاس بیجنگ میں ہوا.اجلاس میں دوطرفہ تعلقات میں بہتری پراطمینان کااظہارکیاگیا.اجلاس میں سی پیک کے تحت جاری منصوبوں کاجائزہ لیاگیا.
ترجمان دفتر خارجہ کا مزید کہنا تھا کہ پاکستان غزہ میں جنگ بندی کے معاہدے کاخیرمقدم کرتاہے.پاکستان توقع کرتاہے کہ یہ عارضی جنگ بندی مستقبل جنگ بندی میں تبدیل ہوگی.پاکستان مسئلہ فلسطین کے منصفانہ اور جامع حل کاخواہاں ہے.پاکستان کو برطانیہ میں چند افراد کے باعث پوری کمیونٹی کے خلاف تبصروں پر تشویش ہے.مسئلہ کشمیراقوام متحدہ کی قراردادوں اور کشمیریوں کی امنگوں کے مطابق حل ہوناچاہئے.تاجکستان پاکستان کا دیرینہ دوست ملک ہے.واخان افغانستان کا حصہ ہے ،پاکستان اس بارے میں کوئی غلط ارادہ نہیں رکھتا. افغانستان پاکستان کا اہم ہمسایہ ہے.پاکستان افغانستان کو خوشحال دیکھنے کا خواہاں ہے.افغانستان میں دہشتگرد وں کی موجودگی کے بارے میں دونوں ممالک رابطے میں ہیں،
ہمیں امید ہے کہ جنگ بندی کا مکمل طور پر احترام کیا جائے گا۔وزیراعظم شہباز
غزہ میں جنگ بندی کے اعلان کے موقع پر وزیراعظم شہباز شریف کا کہنا ہے کہ میں اور پوری پاکستانی قوم فلسطین بالخصوص غزہ میں جنگ بندی کا خیر مقدم کرتے ہیں۔ امن کے حصول کے لیے قطر، سعودی عرب، امریکہ، مصر اور دیگر دوست ممالک کی انتھک کوششیں ناقابل فراموش ہیں۔ امن و امان کے قیام کے لیے غزہ اور دیگر جنگ زدہ علاقوں میں انسانی امداد کی ترسیل انتہائی اہم ہے۔ ہمیں امید ہے کہ اس جنگ بندی کا مکمل طور پر احترام کیا جائے گا۔ پاکستانی عوام فلسطینی بھائیوں اور بہنوں کے ساتھ کھڑے ہیں اور گزشتہ کئی دہائیوں سےاسرائیلی جارحیت کے خلاف جد و جہد میں اپنی جان و مال کا نذرانہ پیش کرنے والوں کو ہم خراج عقیدت پیش کرتے ہیں۔ پاکستان اقوام متحدہ کی قراردادوں کے مطابق مسئلہ فلسطین کے دو ریاستی حل کے اپنے موقف کا اعادہ کرتا ہے۔ 1967 سے قبل کی حدود پر مبنی القدس شریف دارالحکومت کے طور پر آزاد فلسطین ہی اس مسئلے کا پائیدار حل ہے۔
مذاکرات،پی ٹی آئی کے تحریری مطالبات کمیٹی میں پیش
پشاور ہائیکورٹ ، وزیراعلیٰ خیبر پختونخوا کی حفاظتی ضمانت میں توسیع
