پُرامن ممالک کی فہرست میں پاکستان کونسے نمبر پر؟

2023 کے لیے دنیا کے پرامن ترین ممالک کی فہرست جاری کر دی گئی،اس فہرست میں ممالک کی درجہ بندی کے لیے تحفظ، سکیورٹی، تنازعات اور دیگر عناصر کو مدنظر رکھا گیا تھا۔

باغی ٹی وی: انسٹیٹیوٹ فار اکنامکس اینڈ پیس (آئی ای پی) نے اپنی سالانہ رپورٹ پیش کی ہے جس میں دنیا کے پر امن درجہ بندی کی گئی ہے جس کے مطابق اس سال پاکستان 2 درجے بہتری سے 163 میں سے 146 ویں نمبر پر رہا جبکہ بھارت 126، سری لنکا 107، سعودی عرب 119، چین 80، متحدہ عرب امارات 75، امریکا 131 جبکہ بنگلادیش 88 ویں نمبر پر رہا یورپ کا خطہ دنیا میں سب سے زیادہ پرامن رہا مگر یوکرین میں جنگ کے باعث وہاں حالات خراب ہو رہے ہیں اس سال کی فہرست میں روس اور یوکرین کی نمایاں تنزلی دیکھنے میں آئی اور وہ دونوں بالترتیب 158 اور 157 ویں نمبر پر رہے۔

بابر اعظم اور محمد رضوان نے فریضہ حج ادا کیا

رپورٹ کے مطابق آئس لینڈ 1.124 اسکور کے ساتھ مسلسل 15 ویں سال دنیا کا پر امن ترین ملک قرار پایا مگر اس سال یورپی ملک کے مجموعی اسکور میں کمی دیکھنے میں آئی اس کی وجہ یہ ہے کہ آئس لینڈ کی تاریخ میں پہلی بار مبینہ دہشتگردانہ سرگرمیوں کو ریکارڈ کیا گیا جبکہ وہاں قتل کے کیسز کی شرح بھی بڑھی۔

روس کا یوکرینی شہر کراماٹوسک میں ریسٹورنٹ پر میزائل حملہ

یورپی ممالک ڈنمارک اور آئرلینڈ بالترتیب دوسرے اور تیسرے پرامن ترین ممالک قرار دیئے گئے ڈنمارک گزشتہ سال تیسرے جبکہ آئرلینڈ دوسرے نمبر پر تھا نیوزی لینڈ 2 درجے بہتری سے چوتھے نمبر پر رہا جبکہ آسٹریا ایک درجہ تنزلی سے 5 واں پرامن ملک قرار پایا، سنگا پور ایشیا کا پرامن ترین ملک رہا اور عالمی درجہ بندی میں اس کے حصے میں چھٹا نمبر آیا پرتگال 7 ویں، سلوانیا 8 ویں، جاپان 9 ویں جب کہ سوئٹزر لینڈ 10 ویں نمبر پر رہا افغانستان مسلسل 8 ویں سال اس فہرست میں آخری یعنی 163 ویں نمبر پر رہا یمن (162)، شام (161)، جنوبی سوڈان (160) اور کانگو (159) پر موجود ہیں-

حجاج رات مزدلفہ میں گزار کر واپس منیٰ کی جانب روانہ