پاکستان میں غربت بھارت کےمقابلے میں بظاہر نہیں نظر آتی،جاوید اختر

ممبئی: بھارتی ڈرامہ نگار جاوید اختر کا کہنا ہے کہ پاکستان میں غربت بھارت کےمقابلے میں بظاہر نہیں نظر آتی اور یہ ایک حیران کر دینے والی بات ہے-

باغی ٹی وی: جاوید اختر حال ہی میں ایک کانفرنس میں شریک ہوئے جہاں انہوں نے گزشتہ ماہ لاہور میں منعقد ساتویں فیض فیسٹیول میں اپنے دورے اور پاکستان سے متعلق اپنے متنازع تبصرے پر گفتگو کی۔

Javed Akhtar says he did not see any slums in Pakistan because poor people are not allowed to come to cities.

As per Javed, there are restrictions on poor people in Pakistan and they can't travel to big cities like Lahore. 🤡 pic.twitter.com/lmM6H1Zvd5

— OSINT Insider (@OSINT_Insider) March 1, 2023

میزبان، معروف مصنف چیتن بھگت نے جاوید اختر سے سوال کیا کہ یہ دیکھتے ہوئے کہ پاکستان کی معیشت زبوں حالی کا شکار ہے اور ان کے ذخائر خالی ہیں، کیا آپ نے وہاں بڑھتی ہوئی مہنگائی کا اثر دیکھا؟

جس پر جاوید اختر نے کہا کہ پاکستان میں غربت بھارت کےمقابلے میں بظاہر نہیں نظر آتی اور یہ ایک حیران کر دینے والی بات ہے،حقیقت یہ ہے کہ ہندوستان میں غربت بالکل ہمارے سامنے ہے، اور ارب پتیوں کے بالکل قریب واقع ہے لیکن مجھے لگتا ہے کہ پاکستان میں کچھ پابندیاں ان کے غربت زدہ لوگوں کو دور رکھتی ہیں، جہاں صرف ضرورت مند ہی ہوتے ہیں۔

جاوید اختر نے کہا کہ وہ تین مرتبہ پاکستان کا دورہ کر چکے ہیں مگر انہوں نے پاکستان کے شہر لاہور کی سڑکوں پر بےگھر لوگ اور بھیک مانگنے والے نہیں دیکھے مجھے یقین ہے کہ انہوں نے ان کی ضروریات پوری کرنے کے لیے ایک نظام تیار کیا ہے کیونکہ یہ ظاہر ہے کہ ان کے پاس غریب لوگ ہیں۔