پاکستان میں شوال کا چاند نظر آ گیا ہے اور عید الفطر کل بروز پیر، 31 مارچ 2025 کو منائی جائے گی۔ مرکزی رویت ہلال کمیٹی کے سربراہ مولانا عبد الخبیر آذاد نے چاند کی رویت کا باضابطہ اعلان کرتے ہوئے کہا کہ ملک بھر سے چاند نظر آنے کی شہادتیں موصول ہوئیں ہیں۔مولانا عبد الخبیر آذاد کے مطابق، رویت ہلال کمیٹی نے مختلف مقامات سے ملی شہادتوں کی تصدیق کی اور اس کے بعد عید الفطر کی تاریخ کا اعلان کیا۔ انہوں نے عوام سے درخواست کی کہ وہ اپنی خوشیوں میں محتاط رہیں اور عید کے روز احتیاطی تدابیر کا خیال رکھیں۔
پاکستان میں بوہری کمیونٹی نے آج عید الفطر منانے کا اعلان کیا تھا اور عوامی نیشنل پارٹی کے سربراہ ایمل ولی خان نے بھی آج عید منانے کا اعلان کیا تھا۔ ان کے مطابق، کچھ علاقے اپنی اپنی روایت کے مطابق عید مناتے ہیں، لیکن مرکزی رویت ہلال کمیٹی کی تصدیق کے مطابق پاکستان بھر میں کل عید منائی جائے گی۔
دوسری جانب سعودی عرب اور متحدہ عرب امارات سمیت مختلف خلیجی ممالک میں آج عید الفطر منائی جا رہی ہے۔ اس کے علاوہ، برطانیہ اور کینیڈا سمیت یورپ کے مختلف ممالک میں عید 31 مارچ 2025 کو ہونے کی توقع ہے۔ وہاں کی رویت ہلال کمیٹیاں بھی کل عید کا اعلان کریں گی۔یہ خوشی کا موقع دنیا بھر کے مسلمانوں کے لئے ہے، جہاں وہ عبادات اور خوشیوں کے ساتھ اس دن کو مناتے ہیں۔ پاکستان میں عید کی تیاریوں کا آغاز ہو چکا ہے، اور لوگ اپنے عزیز و اقارب کے ساتھ خوشی کا پیغام بانٹنے کے لئے تیار ہیں۔
