پاکستان میں کرونا کے مریضوں کی تعداد کتنی، وفاقی حکومت غلط اعدادوشمار پیش کرنے لگی

باغی ٹی وی کی رپورٹ کے مطابق پاکستان میں کرونا وائرس کے مریضوں میں دن بدن اضافہ ہو رہا ہے، سرکاری اعدادو شمار کے مطاق ملک میں کرونا وائرس کے مریضوں کی تعداد 1296 ہو گئی ہے جبکہ غیر سرکاری اعدادو شمار کے مطابق 1361 ہو گئی ہے

نیشنل کورونا کمانڈ اینڈ کنٹرول سینٹرکے مطابق ملک بھر میں کرونا وائرس کے مریضوں میں اضافہ ہوا ہے،اعدادو شمار کے مطابق سندھ میں سب سے زیادہ کيسز 440 جبکہ پنجاب میں تعداد 425 ہوگئى، خیبرپختونخوامیں 180،بلوچستان میں 133 ، اسلام آبادمیں 27 ، آزاد کشمیر میں 2 اور گلگت بلتستان میں 91 کیسز رپورٹ ہوئے.

پاکستان میں 23 افراد کورونا وائرس سے مکمل طور پر صحتياب ہوچکے ہیں، سندھ میں14،پنجاب میں 3،اسلام آباد، کے پی کے میں2،2 مریض صحتیاب ہوئے، پاکستان میں صحتیابی کی شرح 1.9 فیصدہے۔ پاکستان میں کرونا وائرس سے 11 ہلاکتیں ہو چکی ہیں جن میں سے پنجاب میں 4، سندھ ،بلوچستان، گلگت میں ایک ایک اور کے پی میں 3 ہلاکتیں ہو گئی ہیں.

حکومت پاکستان کی جانب سے بنائی گئی ویب سائٹ جس پر اعدادوشمار دئے جاتے ہیں اس مین اور صوبوں میں اکثر فرق دیکھنے میں آیا ہے، وزیراعلیٰ پنجاب عثمان بزدار نے رات کو ٹویٹ کی تھی کہ کرونا کے پنجاب میں 490 مریض ہو گئے ہیں لیکن 28 مارچ کو صبح ساڑھے نو بجے ویب سائٹ میں اعدادو شمار اپ ڈیٹ کئے گئے تو اس میں پنجاب کے مریضوں کی تعداد 425 لکھی گئی ہے.

سرکاری ویب سائٹ نے مریضوں کی مجموعی تعداد 1296 لکھی ہے جبکہ پنجاب کے مریضوں کو شامل کیا جائے جو اعداود شمار وزی ر اعلیٰ پنجاب نے دیے تو ٹوٹل مریضوں کی تعداد 1361 بنتی ہے

کرونا وائرس نے پنجاب میں سپیڈ پکڑ لی، کرونا وائرس سے پنجاب میں ایک اور ہلاکت ہو گئی ہے جس کے بعد پنجاب میں مجموعی طور پر 5 اور پاکستان میں 11 ہلاکتیں ہو گئی‌ ہیں

پنجاب کے وزیراعلیٰ عثمان بزدار نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ پنجاب کے شہر فیصل آباد میں کرونا وائرس سے ایک ہلاکت ہوئی ہے،22 سالہ نوجوان فیصل آباد میں کرونا وائرس سے جان کی بازی ہار گیا، اس سے قبل لاہور میں 3 اور پنڈی میں ایک ہلاکت ہو چکی ہے

وزیراعلیٰ پنجاب نے کرونا وائرس کے مریضوں میں اضافے کے حوالہ سے بتایا کہ پنجاب میں کرونا وائرس کے اسوقت 490 کیسز ہیں، ڈی جی خان قرنطینہ میں 207،ملتان قرنطینہ میں 46، لاہور 115 ، گجرات 48،گوجرانوالہ 9، جہلم 19 ،راولپنڈی 14، ملتان 3،فیصل آباد 10، ڈی جی خان 5، منڈی بہاؤالدین 3،سرگودھا،2 ننکانہ صاحب میں بھی کرونا وائرس کے 2 مریض ہیں

پنجاب کے شہر میانوالی میں بھی کرونا وائر کے 2 جبکہ نارووال، رحیم یار خان، اٹک،بہاولنگر، خوشاب مین کرونا وائرس کا ایک ایک مریض ہے.

پنجاب میں کرونا وائرس کا پہلا مریض صحتیاب ہوا ہے مظفرگڑھ کے رجب طیب اردوان اسپتال میں زیرعلاج کرونا وائرس سے متاثرہ پہلی خاتون صحتیاب ہوگئیں جنہیں گھر منتقل کر دیا گیا ہے۔

پاکستان میں کرونا وائرس کے بڑھتے مریضوں کی وجہ سے احتیاطی تدابیر کے طور پر ملک میں کرفیو نافذ ہے، سندھ حکومت نے نماز جمعہ کے اجتماعات پر پابندی لگا دی ہے، نماز پنجگانہ میں بھی تین سے 5 افراد جماعت کے ساتھ نماز ادا کر سکتے ہیں،پنجاب میں کرفیو کا آج تیسرا روز ہے. سندھ میں کرفیو کا چوتھا روز ہے، بلوچستان حکومت نے بھی نماز جمعہ کے اجتماعات پر پابندی لگا دی ہے،پنجاب حکومت نے بھی نماز پنجگانہ کے حوالہ سے مساجد میں شہریوں‌ پر پابندی عائد کر دی ہے، پنجاب کی مساجد میں صرف پانچ افراد کو جماعت کی اجازت ہے.

صوبہ پنجاب میں کورونا وائرس کی روک تھام کیلئے لاک ڈاؤن کی پابندیاں مزید سخت کر دی گئی ہیں وزیراعلیٰ پنجاب سردار عثمان بزدار نے صوبے بھر میں جنرل سٹورز اور کریانہ کی دکانیں رات 8 بجے بند کرنے کا فیصلہ کیا ہے۔ روزمرہ اشیا کی تمام دکانیں صبح 8 بجے سے رات 8 بجے تک کھلی رہیں گی۔ فیصلے پر ہفتے سے عملدرآمد ہوگا۔ کسی کو خلاف ورزی کی اجازت نہیں دی جائے گی