پاکستان میں کرونا کی سپیڈ جاری، ایک دن میں 50 ہلاکتیں،مریض 50 ہزار سے زائد ہو گئے
باغی ٹی وی کی رپورٹ کے مطابق پاکستان میں کرونا کے مریضوں میں اضافہ ہوا ہے، 24 گھنٹوں میں50 اموات ہوئی ہیں جبکہ مریضوں کی تعداد 50 ہزار سے زائد ہو گئی ہے
گزشتہ 24 گھنٹوں میں سب سے زیادہ 2603 نئے مریض سامنے آئے ہیں جس کے بعد مریضوں کی مجموعی تعداد 50 ہزار 694 ہو گئی ہے، 50 افراد کی مزید موت کے بعد مجموعی اموات کی تعداد 1067 ہو گئی ہے
کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری تازہ ترین اعدادوشمار کے مطابق گذشتہ 24 گھنٹوں کے دوران 2603 نئے کیسز رپورٹ ہوئے، پنجاب میں 18 ہزار 455، سندھ میں 19 ہزار 924، خیبر پختونخوا میں 7 ہزار 155، بلوچستان میں 3 ہزار 74، گلگت بلتستان میں 602، اسلام آباد میں ایک ہزار 326 جبکہ آزاد کشمیر میں 158 مریض ہیں.
ملک بھر میں اب تک 4 لاکھ 29 ہزار 600 افراد کے ٹیسٹ کئے گئے، گذشتہ 24 گھنٹوں کے دوران 16 ہزار 387 نئے ٹیسٹ کئے گئے، اب تک 15 ہزار 201 مریض صحتیاب ہوچکے ہیں
پاکستان میں کرونا سے اموات میں بھی تیزی سے اضافہ ہو رہا ہے، سندھ میں 336، پنجاب میں 310، خیبر پختونخوا میں 365، گلگت بلتستان میں 4، بلوچستان میں 39 اور اسلام آباد میں 12 مریض جان سے ہاتھ دھو بیٹھے۔ اب تک 462 ہسپتالوں میں قائم قرنطینہ مراکز مریضوں کا علاج جاری ہے، ان ہسپتالوں میں 7295 بیڈز کا بندوبست کیا گیا ہے
لاک ڈاؤں میں نرمی کے بعد پاکستان میں کرونا مریضوں میں بڑی تیزی سے اضافہ دیکھنے میں آیا ہے
