پاکستان میں کرونا کے وار جاری، 46 مزید اموات،3 ہزار سے زائد نئے مریض

پاکستان میں کرونا کے وار جاری، 46 مزید اموات،3 ہزار سے زائد نئے مریض
باغی ٹی وی کی رپورٹ کے مطابق پاکستان میں کرونا کی دوسری لہر جاری ہے ، کرونا مریضوں اور اموات میں مسلسل اضافہ ہو رہا ہے

این سی او سی کے مطابق پاکستان میں سے مزید46 اموات ہوئی ہیں جس کے بعد اموات کی مجموعی تعداد 10ہزار818 ہوگئی ہے۔ 24 گھنٹوں میں کورونا کے 3ہزار97 نئےکیسز سامنےآئے ہیں اور متاثرہ افراد کی مجموعی تعداد 5 لاکھ 11ہزار921 تک پہنچ گئی ہے۔

این سی او سی کے مطابق پاکستان میں کورونا4 لاکھ67 ہزار234 افراد صحتیاب ہوچکے ہیں اور فعال مریضوں کی تعداد33ہزار869 ہے۔اسلام آباد میں کورونا مریضوں کی تعداد 39 ہزار624، خیبرپختونخوامیں 62 ہزار377، سندھ 2 لاکھ 30 ہزار718، پنجاب ایک لاکھ 47 ہزار 292، بلوچستان18 ہزار488، آزاد کشمیر 8 ہزار540 اور گلگت بلتستان میں 4 ہزار 882 کرونا مریض سامنے آ چکے ہیں

کورونا کے سبب سب سے زیادہ اموات پنجاب میں ہوئی ہیں جہاں 4 ہزار348 افراد جان کی بازی ہار چکے ہیں جبکہ سندھ میں 3 ہزار744، خیبرپختونخوا ایک ہزار752، اسلام آباد449، گلگت بلتستان101، بلوچستان میں 188 اور آزاد کشمیر میں 236 اموات ہوئی ہیں

این سی او سی کے مطابق پہلے50ہزار کیسز 86 دنوں اور آخری پچاس ہزار کیسز صرف بائیس روز میں سامنے آئے۔ پاکستان میں کورونا کا پہلا کیس 26 فروری کو سامنے آیا جبکہ کورونا سے پہلی موت اٹھارہ مارچ کو رپورٹ ہوئی۔