رواں برس پاکستان میں دہشت گردی میں اضافہ ہوا،وزارت داخلہ نے قومی اسمبلی میں تحریری جواب جمع کروا دیا
24۔2023 کے دوران ملک میں دہشت گردی کے واقعات میں اضافے کا اعتراف کیا گیا ہے،گزشتہ دو سال کے دوران ملک بھر میں دہشت گردی کے 2075 واقعات میں 1215 افراد شہید ہوئے ،رواں سال اب تک ملک بھر میں دہشت گردی کے 561 واقعات میں 285 شہادتیں ہو چکی ہیں، گزشتہ برس دہشت گردی کے 1514 واقعات میں 930 افراد شہید ہوئے تھے۔ رواں سال خیبر پختون خواہ میں دہشت گردی کے 282، بلوچستان میں 272 سندھ میں 5 واقعات ہوئے۔ رواں سال پنجاب اور اسلام اباد میں دہشت گردی کا ایک ایک واقعہ رونما ہوا،
خیبر پختونخوا میں گزشتہ برس دہشتگردی کے 558 واقعات میں 580 افراد شہید اور 1447 زخمی ہوئے، خیبر پختونخوا میں گزشتہ برس قانون نافذ کرنے والے اداروں کے 402 اہلکار شہید اور 1054 زخمی ہوئے،خیبر پختونخوا میں گزشتہ برس 178 شہری شہید اور 393 زخمی ہوئے،بلوچستان میں 2023 میں دہشتگردی کے 626 واقعات میں 315 افراد شہید اور 477 زخمی ہوئے، قانون نافذ کرنیوالے اداروں کے 148 اہلکار شہید اور 198زخمی ہوئے جبکہ 167 شہری شہید اور 279 زخمی ہوئے،سندھ میں گزشتہ برس دہشتگردی کے 19 واقعات میں 14 افراد شہید اور31 زخمی ہوئے۔ قانون نافذ کرنیوالے اداروں کے8 اہلکار شہید اور 26 زخمی ہوئے۔ صوبے میں 2023 میں دہشتگردی کے واقعات میں ایک شہری شہید اور 2 زخمی ہوئے،پنجاب میں 2023 میں دہشتگردی کے 8 واقعات میں 12 افراد شہید اور 11زخمی ہوئے۔ گزشتہ برس قانون نافذ کرنیوالے اداروں کے 11 اہلکار شہید اور 9 زخمی ہوئے، جبکہ 2023 کے دوران ایک شہری شہید اور 2 زخمی ہوئے، 2023 کے دوران اسلام آباد میں دہشتگردی کا کوئی واقعہ نہیں ہوا۔گلگت بلتستان میں گزشتہ برس دہشتگردی کے 3 واقعات میں 9 افراد شہید اور 26زخمی ہوئے۔
رواں برس چینی و جاپانی باشندوں پرسندھ میں 3،بلوچستان میں 2 ،خیبر پختونخواہ میں دو حملے ہوئے
قومی اسمبلی میں 24-2020 کے درمیان چینی اور جاپانی باشندوں پر حملوں کی تفصیل پیش کر دی گئی، وزارت داخلہ نے تحریری جواب جمع کروایاجس میں کہا گیا کہ سندھ میں چینی اور جاپانی باشندوں پر 3 دہشت گرد حملے ہوئے، جن میں 5 غیرملکی اور 5 مقامی افراد جاں بحق ہوئے، بلوچستان میں چینی باشندوں پر 2 حملے ہوئے، جن میں 3 افراد زخمی ہوئے، خیبر پختونخوا میں چینی باشندوں پر 2 حملے ہوئے،کے پی میں چینی اور جاپانی باشندوں پر حملوں میں 2 سیکیورٹی اہلکار شہید ہوئے، 17 چینی باشندے جان کی بازی ہار گئے جبکہ 19 مقامی لوگ شہید ہوئے، سال 2024 کی پہلی سہ ماہی میں خفیہ معلومات پر 2208 آپریشن کیےگئے، خفیہ آپریشنز میں 89 دہشت گرد ہلاک ہوئے اور 328 کو گرفتار کیا گیا،عسکریت پسندوں کا داخلہ روکنے کےلیے اقدامات کیے جا رہے ہیں، دہشت گرد تنظیموں کےلیے اسلحہ اور مواد کی منتقلی روکنے کے اقدامات کیے جا رہے ہیں۔
وزارت داخلہ کا پاکستان میں سائبر کرائم کے واقعات کی تعداد میں مسلسل اضافے کا اعتراف
وزارت داخلہ نے پاکستان میں سے سائبر کرائم واقعات کی تعداد میں اضافے سے متعلق گزشتہ 3سالوں کی تفصیلات قومی اسمبلی میں پیش کر دیں،تحریری جواب میں کہا گیا کہ سال 2021 میں ایک لاکھ 15 ہزار 868 شکایات موصول ہوئیں،اسی ہزار آٹھ سو تین شکایات کی تصدیق ہوئی ،پندرہ ہزار سات سو چھیاسٹھ انکوائریاں کی گئیں ،،بارہ سو تئیس ایف آئی آرز کی گئیں ،38 کیسز میں سزائیں ہوئیں ،سال 2022 میں ایک لاکھ 36 ہزار 24 شکایات موصول ہوئیں،83 ہزار پانچ سو باون کیسز کی تصدیق ہوئی ،14 ہزار تین سو اسی کیسز کی انکوائریاں ہوئیں ،14سو 69 ایف آئی آرز ہوئیں ،اڑتالیس کیسز میں سزائیں ہوئیں ،سال 2023 میں ایک لاکھ 34 ہزار 710 شکایات موصول ہوئیں،82 ہزار تین سو چھیانوے کیسز کی تصدیق ہوئی،اٹھارہ ہزار بارہ کیسز کی انکوائریاں ہوئیں، 13سو 75کیسز کی ایف آئی آرز ہوئیں،92 کیسز میں سزائیں ہوئیں،
ماہ رنگ بلوچ کون،دو نمبر انقلاب اور بھیانک چہرہ
بلوچستان میں دہشتگردانہ حملے اور بھارتی میڈیا کا شرمناک کردار بے نقاب
وقت آ گیا ہے دہشت گردوں کا مکمل خاتمہ کیا جائے،وزیراعظم
بلوچستان میں دو بھائیوں سمیت لیہ کے 4 شہری نشانہ بنے
بلوچستان، 21 دہشت گرد جہنم واصل،14 جوان شہید
بلوچستان،جوابی کاروائی میں 12 دہشت گرد جہنم واصل
قلات :فائرنگ سے پولیس انسپکٹر،لیویز اہلکاروں سمیت 10 کی موت
بارکھان،راڑہ شم کے مقام پر بسوں سے اتار کر 23 افراد قتل،10 گاڑیاں نذر آتش
ماہ رنگ بلوچ کا احتجاج ،دھرنا عوام نے مسترد کر دیا
