پاکستان میں کرونا کے ایکٹو کیسز کی تعداد 11 ہزار 790 رہ گئی

باغی ٹی وی کی رپورٹ کے مطابق پاکستان میں کرونا کیسز میں بتدریج کمی ہو رہی ہے،گزشتہ 24 گھنٹوں میں کرونا سے پاکستان میں مزید10 افراد جان کی بازی ہار گئے جس کے بعد اموات کی مجموعی تعداد 6ہزار219 ہوگئی ہے۔

کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کیے گئے تازہ ترین اعداد و شمار کے مطابق پاکستان میں گزشتہ24 گھنٹوں کے دوران کورونا کے 630نئے مریض سامنے آئے جس کے بعد مریضوں کی مجموعی تعداد 2 لاکھ91 ہزار588 ہوگئی ہے،

پاکستان میں تاحال کورونا کے 2 لاکھ 73 ہزار 579 مریض صحتیاب ہوچکے ہیں جب کہ ملک بھر میں کورونا ایکٹو کیسز کی تعداد 11 ہزار 790 رہ گئی ہے۔سندھ میں کورونا کیسز کی تعداد ایک لاکھ 27ہزار381 ہوگئی ہے۔ پنجاب میں 95 ہزار958، خیبرپختونخوا میں 35 ہزار 545، اسلام آباد میں 15 ہزار453، بلوچستان میں 12 ہزار424، آزاد کشمیر میں 2ہزار223 اورگلگت بلتستان میں میں کورونا کیسز کی تعداد 2ہزار604 ہو چکی ہے.

کورونا وائرس کے باعث پنجاب میں 2ہزار186 اور سندھ میں 2ہزار343 ،خیبرپختونخوا میں ایک ہزار242، اسلام آباد میں 175، بلوچستان میں 139، ‏گلگت بلتستان میں 63 اور آزادکشمیرمیں 61 افراد جان کی بازی ہار چکے ہیں

گزشتہ روز ملک بھر میں کورونا کے 25 ہزار 613 ٹیسٹ کیے گئے۔ اسپتالوں میں کورونا وینٹی لیٹرزکی تعدادا یک ہزار920 ہے۔ ملک بھر میں 735 اسپتالوں میں کورونا مریضوں کے لیے سہولیات موجود ہیں اور اس وقت ایک ہزار 241 مریض اسپتالوں میں داخل ہیں۔

حکومت کے مطابق پاکستان میں کورونا وائرس کیسز کا گراف مسلسل نیچے آرہا ہے، لیکن کورونا کا خطرہ ابھی ٹلا نہیں ہے،اگر احتیاط نہ کی گئی تو کرونا مزید پھیل سکتا ہے