سندھ حکومت نے رمضان المبارک کے لیے ایس او پیزجاری کردیئے،خلاف ورزی ناقابل برداشت

کراچی : سندھ حکومت نے رمضان المبارک کے لیے ایس او پیز،کوئی مانے یانہ مانے،خلاف ورزی ناقابل برداشت ،اطلاعات کے مطابق سندھ حکومت کی جانب رمضان المبارک کےلیے ایس او پی تیار کرلیے گئے ہیں ، وزیراعلیٰ سندھ کی منظوری کےبعد رمضان ایس او پی آج جاری کی جائے گی۔

تفصیلات کے مطابق سندھ حکومت کی جانب سے کورونا وائرس کے بڑھتے کیسز کوروکنے کیلئے اقدامات کیے جارہے ہیں ، اس سلسلے میں رمضان المبارک کےلیے ایس او پی تیار کرلیے گئے ہیں۔ذرائع سندھ حکومت کا کہنا ہے کہ مساجد میں نماز تراویح کےبڑے اجتماعات نہیں ہوں گے ، مساجد میں نماز تراویح میں 3سے5افراد شریک ہوسکیں گے جبکہ شادی ہالزاور دیگر عوامی مقامات پر بھی تراویح کے اجتماعات کی اجازت نہیں۔

ذرائع کے مطابق افطار پارٹیوں اورمرکزی شاہراہوں پر دسترخوان لگاناممنوع ہے ، چھوٹی بڑی مارکیٹس، شاپنگ سینٹرز بند رہیں گے، دکانیں کھولنے پر قانونی کارروائی ہوگی، دکانوں سے صرف آن لائن کام ہوگا۔سندھ حکومت کے ذرائع کا کہنا ہے کہ وزیراعلیٰ سندھ نے فیصلوں پرصدر مملکت،گورنر سندھ کوبھی اعتماد میں لیا، رمضان میں پابندی سے مستثنیٰ کاروبار کےاوقات کارشام 5بجے تک ہوں گے۔

ایس او پی کے مطابق رمضان کے پیش نظر ریسٹورینٹس کےاوقات کار تبدیل ہوں گے، سموسے،پکوڑوں کی دکانیں، ٹھیلوں،بیکریز کو شام 5بجے تک بند جرنے کی اجازت ہوگی۔

ذرائع کا کہنا ہے کہ ریستوران ہوم ڈیلیوری،ڈرائیوتھرو سروس شام 5بجے کےبعد کرسکیں گے جبکہ تیارکھانوں کی ڈیلوری، آن لائن سروس شام 5سے رات 11بجے تک ہونے کا امکان ہے۔ذرائع سندھ حکومت نے مزید کہا کہ سپر اسٹورز میں ایس او پی پر عمل نہ ہوا تو بند کردیاجائےگا، وزیراعلیٰ سندھ کی منظوری کےبعد رمضان ایس او پی آج جاری کی جائے گی۔