وزیرِ اعظم شہباز شریف نے یومِ بحریہ 8 ستمبر 2025ء کے موقع پر اپنے پیغام میں کہا ہے کہ پاک بحریہ ملک کی محافظ اور ہمارے تابناک مستقبل کی معمار ہے۔
شہباز شریف نے پاک بحریہ کے جوانوں، افسران اور اہلکاروں کو خراجِ تحسین پیش کرتے ہوئے کہا کہ ان کی پیشہ ورانہ خدمات نے ہمیشہ قوم کا سر فخر سے بلند کیا ہے۔اُنہوں نے کہا کہ یومِ بحریہ ملک کی آبی سرحدوں اور مفادات کے تحفظ کا اعادہ کرنے کا دن ہے اور پاک بحریہ کی تاریخ بہادری اور قربانی کی داستانوں سے بھرپور ہے۔ 1965ء کی جنگ میں آپریشن سومناتھ ایک یادگار مثال ہے، جس میں پاک بحریہ نے بھارتی ساحلی شہر دوارکا پر حملہ کر کے مواصلاتی نظام تباہ کیا، اور یہ فتح آج بھی جوانوں کے جذبہ دفاعِ وطن کو تازہ کرتی ہے۔
وزیرِ اعظم نے مزید کہا کہ پاک بحریہ کی مستعد نگرانی میں پاکستان کی آبی سرحدیں محفوظ ہیں اور بحیرۂ عرب میں طاقت کا توازن قائم رکھنے میں اس کا کلیدی کردار ہے۔ انہوں نے بتایا کہ پاک بحریہ بلیو اکانومی، بندرگاہوں کی ترقی اور قومی اقتصادی مفادات کے فروغ میں بھی بھرپور کردار ادا کر رہی ہے۔
شہباز شریف نے دعا کی کہ اللّٰہ تعالیٰ پاک بحریہ، مسلح افواج اور پاکستان کو ترقی، خوش حالی اور کامیابی سے ہم کنار کرے۔ اُن کا کہنا تھا: "پاک بحریہ زندہ باد، پاکستان پائندہ باد۔”
سیاسی ہڑتال ،بلوچستان حکومت کی مظاہرین کو سڑکیں بلاک نہ کرنے کی ہدایت
بارشوں کی پیش گوئی، میئر کراچی کا شہر کے نالوں اور نشیبی علاقوں کا دورہ
سندھ شدید بارشوں کا خدشہ، صدر مملکت کی اداروں کو الرٹ رہنے کی ہدایت
برطانیہ،دہشت گردی سازش ناکام، مختلف شہروں سے 4 مشتبہ افراد گرفتار
