سہ ملکی سیریز کے فائنل میں پاکستان نے نیوزی لینڈ کو جیت کے لیے 243 رنز کا ہدف دے دیا
کراچی میں کھیلے جانے والے سہ ملکی سیریز کے فائنل میچ میں پاکستان نے نیوزی لینڈ کو 243 رنز کا ہدف دے دیا۔ یہ میچ کراچی کے نیشنل اسٹیڈیم میں کھیلا جا رہا ہے جہاں پاکستان نے ٹاس جیت کر بیٹنگ کا فیصلہ کیا۔
پاکستان کے کپتان محمد رضوان نے ٹاس کے بعد کہا کہ "پچ بیٹنگ کے لیے سازگار لگ رہی ہے، اس لیے پہلے بیٹنگ کا فیصلہ کیا ہے۔ آج کا دن نیا ہے اور ہم ٹرافی اپنے نام کرنے کی پوری کوشش کریں گے۔”
نیوزی لینڈ کے کپتان مچل سینٹنر نے کہا کہ "آج کی پچ پر گھاس کم نظر آ رہی ہے، اور میچ ہائی اسکورنگ ہونے کی توقع ہے۔ وکٹ اچھی لگ رہی ہے، اور ہم اچھی بولنگ کرنے کی کوشش کریں گے۔”
سینٹنر کے مطابق، نیوزی لینڈ ٹیم میں میٹ ہینری اور بین سیئرز کی جگہ جیکب ڈفی اور نیتھن اسمتھ کو شامل کیا گیا ہے۔
پاکستانی ٹیم میں ایک تبدیلی کی گئی ہے اور محمد حسنین کی جگہ فہیم اشرف کو پلیئنگ الیون میں شامل کیا گیا ہے۔ پاکستانی ٹیم میں بابر اعظم، فخر زمان، سعود شکیل، محمد رضوان، سلمان علی آغا، طیب طاہر، فہیم اشرف، خوشدل شاہ، شاہین شاہ آفریدی، نسیم شاہ، اور ابرار احمد شامل ہیں۔
اب تک کی صورتحال کے مطابق پاکستان نے اچھے رن سکور کیے ہیں اور نیوزی لینڈ کو فتح حاصل کرنے کے لیے 243 رنز کا چیلنج دیا ہے۔
