پاکستان،سری لنکا ٹیسٹ سیریز کا شیڈول جاری

پاکستان اور سری لنکا کے درمیان آئندہ ماہ کھیلی جانے والی ٹیسٹ سیریز کا متوقع شیڈول سامنے آگیا۔

باغی ٹی وی: ذرائع کے مطابق پاکستان اور سری لنکا کی ٹیسٹ سیریز 16 جولائی بروزاتوارسے شروع ہونے کا امکان ہے یہ ٹیسٹ سیریز دو ٹیسٹ میچز پر مشتمل ہوگی جوکہ آئی سی سی ٹیسٹ چیمپئن شپ کا حصہ ہوگی، سیریزکے ٹیسٹ میچز کولمبو اور گال میں ہونے کا امکان ہے ۔

ذرائع کا کہنا ہے کہ سری لنکا کرکٹ اگلے چند روز میں سیریز کے شیڈول کا حتمی اعلان کرے گا، پہلا ٹیسٹ 16 سے 20 اور دوسرا ٹیسٹ 24 سے 28 جولائی کو کھیلے جانے کا امکان ہے تاہم لنکا پریمیئر لیگ سے قبل ٹیسٹ سیریز مکمل ہو جائے گی۔

حکومت نجم سیٹھی کی صلاحیتوں سے کسی اور جگہ استفادہ کرلے،رہنما پیپلز پارٹی

دوسری جانب سری لنکن لیگ لنکا پریمیئر لیگ 31 جولائی سے22 اگست تک کھیلی جائے گی لنکا پریمیئر لیگ کےچوتھے ایڈیشن کےلیے پلیئرز آکشن کا مرحلہ مکمل ہوگیا ہے لنکا پریمیئر لیگ کےنئے ایڈیشن کے لیے بیلو کینڈی نےنیلامی کےابتدائی دن 17پلیئرز حاصل کر لیے جس میں پاکستان کے 13 کرکٹرز کا انتخاب کیا گیا ہے-

بی لوو کینڈی کی ٹیم نے محمد حسنین کو 34 ہزار ڈالرز اور آصف علی کو 30 ہزارڈالرز، محمد حارث کو 20 ہزار اور عامر جمال کو 10 ہزار ڈالرزمیں منتخب کیا ،فخر زمان نے بی لوو کینڈی کی ٹیم کے ساتھ پری آکشن معاہدہ سائن کیا ہوا ہے۔

کرکٹ ٹیم کی تشکیل ،سعودی ولی عہد نے پاکستان کا انتخاب کر لیا

جافنا کنگز کی ٹیم کے لیے شعیب ملک 50 ہزار ڈالرز اور زمان خان کو 30 ہزارڈالرز میں منتخب کیا جبکہ شاہ نوازد ھانی کو دمبولا اورا ٹیم نے 20 ہزار ڈالرز میں حاصل کیا۔

کولمبو اسٹرائیکر نے افتخار احمد کو 50 ہزار ڈالرز میں حاصل کرلیا، فاسٹ بولر وہاب ریاض 40 ہزارڈالرز اورمحمد نواز 30 ہزار ڈالرز میں کولمبو کا حصہ بنے جب کہ کپتان بابراعظم اور فاسٹ بولر نسیم شاہ نےکولمبو سےپری آکشن معاہدہ سائن کیا۔

مجھے ایسا نہیں لگتا کہ 2022 میرا آخری ورلڈکپ تھا،لیونل میسی