Ayesha Rehmani
وفاقی وزیر برائے آبی وسائل میاں محمد معین وٹو نے کہا ہے کہ پانی کا مسئلہ ہماری لائف لائن ہے اور ہم اس سے ایک انچ بھی پیچھے نہیں ہٹیں گے۔
اوکاڑہ میں میڈیا سے گفتگو کرتے ہوئے وفاقی وزیر کا کہنا تھا کہ سندھ طاس معاہدہ اصل شکل میں موجود ہے، پانی کا مسئلہ پاکستان کی 25 کروڑ عوام کا مسئلہ ہے، پاکستان بھارت کو ایک قطرہ پانی روکنے کی اجازت نہیں دےگا، پاکستان اب باقاعدہ طور پر گلوبل واٹر آرگنا ئز یشن کا بانی رکن ہے۔
انہوں نے کہا کہ انڈیا کسی صورت ہمارا پانی نہیں روک سکتا اور نہ ہم اسے پانی روکنے دیں گے، پانی کا مسئلہ ہماری لائف لائن ہے اور ہم اس سے ایک انچ بھی پیچھے نہیں ہٹیں گے۔
انہوں نے کہا کہ بانی پی ٹی آئی عمران خان کی احتجاجی تحریک کی حالیہ کال ملک کے خلاف سازش ہے، وزیر اعظم نے اپنے بیرون دوروں میں تجارت کی بات کی، متوقع سیلاب کے لیے ضروری اقدامات کر لیے ہیں۔
