میرپورخاص:جشن آزادی ،پاکستان زندہ باد ریلی،لوگوں کی والہانہ انداز میں شرکت

میرپورخاص،باغی ٹی وی( نامہ نگار سید شاہزیب شاہ کی رپورٹ)جشن آزادی ،پاکستان زندہ باد ریلی،لوگوں کی والہانہ انداز میں شرکت
تفصیل کے مطابق میرپورخاص کے علاقے سٹیلائٹ ٹاؤن جامع مسجد مکہ چوک سے جشن آزادی کے سلسلہ میں ایک عظیم الشان موٹرسائیکل ،کار ریلی”پاکستان زندہ باد کے نام سے نکالی گئی جس میں ہزاروں لوگوں نے والہانہ انداز میں شرکت کی ، ریلی کے شرکاء نے سبز ہلالی پرچم ہاتھوں میں اٹھا رکھے تھے ،موٹرسائیکل اور کار والوں نے اپنی گاڑیوں کو قومی پرچم سے سجایاہوا تھا، قومی نغموں کی دھنوں پر نوجوان رقص کرتے رہے،

ریلی پر کئی جگہ اہل محلہ کی جانب سے گل پاشی کی گئی، پاکستان زندہ باد ریلی کےآرگنائزر آفتاب ملک ، طاہر انجم ، اور انجینئر نوشاد بدر نے باغی ٹی وی نامہ نگار سید شاہزیب شاہ سے بات کرتے ہوئے کہا کہ ہم پاکستانی عوام کے دلوں میں وطن کی محبت کوٹ کوٹ کر بھری ہوئی ہے، پاکستانی قوم جشن آزادی کے موقع پر عہد کرتے ہیں کہ ہم پاکستان اور افواج پاکستان کی خاطر کسی قربانی سے دریغ نہیں کرینگے

ریلی میں آفتاب ملک طاہر انجم انجینئر نوشاد بدر صافی حیات قریشی ن باغی ٹی۔وی نامہ نگار سید شاہزیب شاہ کے علاوہ ہزاروں افراد شریک تھے پاکستان زندہ باد ریلی نیشنل پریس کلب اور دیگر پریس کلبوں سے گذرتی ہوئی اختتام پذیر ہوئی