پاکستانی ایئرلائنز بنگلہ دیش کیلیے پروازیں شروع کرنے میں دلچسپی رکھتی ہیں،سلیم مانڈوی والا

سینیٹر سلیم مانڈوی والا، چیف وہپ سینیٹ نے آج سینیٹ سیکرٹریٹ میں پاکستان میں بنگلہ دیش کے ہائی کمشنر، ایم ڈی اقبال حسین خان کا پرتپاک استقبال کیا۔

سینیٹر مانڈوی والا نے اپنی نیک خواہشات کا اظہار کرتے ہوئے دونوں ممالک کے ماضی کی تلخیوں کو بھلا کر اپنے دو طرفہ تعلقات کو مستحکم کرنے کی اہمیت پر زور دیا۔ملاقات کے دوران، ہائی کمشنر اقبال حسین خان نے پاکستان کی مارکیٹ میں بنگلہ دیش کی دلچسپی کا اظہار کیا، خاص طور پر ٹیکسٹائل، کپاس، پھلوں اور چائے کے شعبوں میں۔ انہوں نے اس بات کا ذکر کیا کہ دونوں ممالک کے درمیان پروازوں کی کمی ایک بڑی رکاوٹ ہے۔ اس پر سینیٹر مانڈوی والا نے ہائی کمشنر کو یقین دلایا کہ پاکستان کی ایئرلائنز بنگلہ دیش کے لیے پروازیں شروع کرنے میں دلچسپی رکھتی ہیں، اور ممکنہ طور پر ایک ہفتہ وار سروس شروع کی جا سکتی ہے۔

سینیٹر مانڈوی والا نے مزید کہا کہ ہائی کمشنر کو کراچی اور سیالکوٹ جیسے مقامی تجارتی چیمبرز کے ساتھ بات چیت کرنے کی ترغیب دی تاکہ اقتصادی تعلقات کو مزید فروغ دیا جا سکے۔ انہوں نے کہا کہ دونوں ممالک کو اپنے اقتصادی اور دو طرفہ تعلقات کو مستحکم کرنے پر توجہ مرکوز کرنی چاہیے۔ملاقات کے اختتام پر، سینیٹر مانڈوی والا نے پاکستان اور بنگلہ دیش کے درمیان مستقبل میں مزید تعاون کو فروغ دینے کے اپنے عزم کا اظہار کیا۔

میجر حمزہ اسرار شہید کی نماز جنازہ ادا ،وزیراعظم،آرمی چیف شریک

واشنگٹن فضائی حادثہ،عینی شاہد نے منظر انتہائی ہولناک قرار دیا