پاکستان پیپلزپارٹی کے چیئرمین بلاول بھٹو زرداری سے میٹا پلیٹ فارم ان کارپوریشن کے وسطی و جنوبی ایشیا کے پبلک پالیسی ڈائریکٹر صارم عزیز کی ملاقات ہوئی ہے
بلاول بھٹو زرداری سے میٹا پلیٹ فارم ان کارپوریشن کے وفد نے زرداری ہاؤس میں ملاقات کی، چیئرمین بلاول بھٹو زرداری کو میٹا کے وفد نے میٹا اے آئی سے متعلق بریفنگ دی، بلاول بھٹو زرداری کو میٹا کے وفد نے انسٹاگرام Teen اکاؤنٹس کے حوالے سے بھی بریفنگ دی،بتایا گیا کہ بچوں کے لئے انسٹاگرام اکاؤنٹس میں نہ صرف پیغام بھیجنے کے حوالے سے پابندیاں ہوں گی بلکہ نامناسب الفاظ خود فلٹر ہوجائیں گے،بچوں کے لئے انسٹاگرام اکاؤنٹس میں وقت کی پابندی ہوگی اور ایک گھنٹے بعد ایپ بند ہونے کا پیغام آجائے گا،چیئرمین بلاول بھٹو زرداری اور میٹا کے وفد کے درمیان اے آئی سے متعلق قانون سازی کے حوالے سے بھی تجاویز سامنے آئیں
بلاول زرداری کا کہنا تھا کہ پاکستان کی نوجوان نسل اے آئی کی بدولت آنے والی تبدیلیوں کو ذمہ داری سے قبول کررہی ہے، پاکستان کے نوجوان ڈیجیٹل عہد کا سامنا کرنے کے لئے مکمل طور پر تیار ہیں، بچوں کے لئے انسٹاگرام اکاؤنٹس فیچرز کا سامنے آنا تربیت سے متعلق فکرمند والدین کے لئے ایک خوشی کی خبر ہے
