سعد فاروق
اقوام متحدہ میں پاکستان کے اعلیٰ سطحی وفد نے چین، روس سمیت کئی ممالک کے نمائندوں سے ملاقاتیں کیں اور بھارتی پروپیگنڈے کے خلاف پاکستان کا واضح مؤقف پیش کیا۔
باغی ٹی وی کے مطابق پارلیمانی وفد کی قیادت چیئرمین پیپلز پارٹی اور سابق وزیر خارجہ بلاول بھٹو زرداری نے کی، جنہوں نے نیو یارک میں اقوام متحدہ کی سلامتی کونسل کے غیر مستقل ارکان سے ملاقات کر کے بھارت کے بے بنیاد الزامات کو مسترد کر دیا۔وفد نے ڈنمارک، یونان، پاناما، صومالیہ، الجزائر، گیانا، جاپان، جنوبی کوریا، سیرالیون اور سلووینیا کے مندوبین سے بھی رابطہ کیا اور پاکستان کا نقطہ نظر مؤثر انداز میں پیش کیا۔
بلاول بھٹو نے اقوام متحدہ میں واضح مؤقف اپناتے ہوئے کہا کہ بغیر تحقیق یا ثبوت کے پاکستان پر الزامات لگانا ناقابلِ قبول ہے۔ عالمی برادری کو چاہیے کہ صرف بحران کے بعد نہیں بلکہ تنازع سے پہلے امن کی راہیں تلاش کرے۔سینیٹر شیری رحمان، حنا ربانی کھر، مصدق ملک اور دیگر رہنماؤں نے وفد کے ہمراہ بھارتی اشتعال انگیزی، سندھ طاس معاہدے کی خلاف ورزی اور شہری علاقوں کو نشانہ بنانے جیسے سنگین معاملات پر بریفنگ دی۔
انہوں نے خبردار کیا کہ سندھ طاس معاہدے کی معطلی سے پاکستان میں پانی کی قلت، غذائی بحران اور ماحولیات پر منفی اثرات مرتب ہو سکتے ہیں۔
چین کے مندوب سے ملاقات
بلاول بھٹو زرداری کی قیادت میں پاکستانی وفد نے اقوام متحدہ میں چین کے مستقل مندوب فو کانگ سے بھی ملاقات کی، جس میں خطے میں بھارتی جارحیت اور سیکیورٹی صورتحال پر تبادلہ خیال کیا گیا۔چیئرمین پیپلز پارٹی نے بھارتی اشتعال انگیزی پر چین کی حمایت پر شکریہ ادا کیا اور پہلگام حملے کے بعد پاکستان کی شفاف تحقیقات کی پیشکش کو بھارت کی جانب سے رد کیے جانے پر بھی تحفظات کا اظہار کیا۔
روسی مندوب سے اہم تبادلہ خیال
اس کے علاوہ بلاول بھٹو زرداری نے روسی فیڈریشن کے مستقل مندوب واسیلی نیبینزیا سے بھی ملاقات کی۔ملاقات میں بلاول بھٹو نے کہا کہ بھارتی ضد کے باوجود پاکستان نے خطے میں امن کے لیے سنجیدہ اور متوازن پالیسی اپنائی۔ انہوں نے واضح کیا کہ پاکستان دنیا میں دہشت گردی کا سب سے بڑا نشانہ رہا ہے اور بھارت کی سرپرستی میں تخریبی کارروائیاں جاری ہیں۔
بلاول بھٹو نے مسئلہ کشمیر پر بھی روسی مندوب کو آگاہ کیا اور کہا کہ بھارت مسئلہ کشمیر کو اقوام متحدہ کی قراردادوں کے مطابق حل نہیں ہونے دینا چاہتا۔پاکستانی وفد کی ان ملاقاتوں کو اقوام متحدہ کے کئی رکن ممالک نے سراہا، اور پاکستان کی سفارتی کوششوں کی تعریف کی۔
میرے سینے میں بہت کچھ ، کبھی کبھار جنرل باجوہ کے خلاف بول دیتا ہوں، خواجہ آصف
ملک بھر میں سونے کی قیمت میں اضافہ، فی تولہ 5 ہزار 900 روپے مہنگا
ملک کے بالائی علاقوں میں بارش کا امکان، میدانی علاقوں میں شدید گرمی
جنرل اوپندر دیویدی کا مذہبی آشرم کا دورہ ،بھارتی فوج کی سیکولر روایت پر سوالیہ نشان
