پاکستانی سفری دستاویزات بنوانے کی کوشش ناکام – 5 افغان شہری گرفتار کر لئے گئے
ایف آئی اے اینٹی کرپشن سرکل پشاور کی کاروائی،پاکستانی سفری دستاویزات بنوانے میں ملوث 5 افغان شہری گرفتار کر لئے گئے،گرفتار ملزمان میں نور احمد، حسیب اللہ، یار محمد، عبدالرحیم اور محمد حبیب شامل ہیں،ملزمان کا تعلق مزار شریف افغانستان سے ہے،ملزمان کو پشاور سے گرفتار کیا گیا،گرفتار ملزمان غیر قانونی طور پر پاکستان میں مقیم تھے۔ابتدائی تفتیش کے مطابق ملزمان غیر قانونی طور پر پاکستان داخل ہوئے تھے،گرفتار ملزمان پاکستان میں قانونی رہائش کے حوالے سے دستاویزات فراہم کرنے میں ناکام رہے۔گرفتار ملزمان ایجنٹ سے رابطے میں تھے،گرفتار ملزمان پاکستانی دستاویزات بنوانے کے غرض سے پاکستان آئے تھے،ملزمان کو گرفتار کر کے تفتیش کا آغاز کر دیا گیا
