پاکستانی عمرہ زائرین کے لیے خوشخبری

سعودی عرب نے پاکستان کے عمرہ زائرین کے لیے ویزے کی مدت 30 سے بڑھا کر 90 دن کر دی۔

باغی ٹی وی : سعودی وزیر ڈاکٹر توافق بن فوزان الربیہ نے کہا کہ سعودی حکومت کے وژن 2023 کے تحت حج اور عمرہ زائرین کے لیے سہولتوں کو بہتر بنانا ہے، اب عمرہ کی غرض سے سعودی عرب آنے والا کوئی بھی شخص مکہ اور مدینہ کے ساتھ سعودی عرب کے کسی بھی شہر میں جا سکتا ہے، وہ ریاض، دمام اور دیگر شہروں کا دورہ کر سکتا ہے۔

انہوں نے کہا کہ نئی پالیسی کے تحت خواتین بغیر کسی مرد سرپرست کے مملکت میں آ سکتی ہیں ہم نے ٹرانزٹ ویزا بھی شروع کیا ہے جو سعودی عرب کے راستے سفر کرنے اور مملکت میں چار دن تک قیام کی اجازت دیتا ہے اور ایئر لائنز خاص طور پر سعودی ایئر لائن ایک رات مفت قیام بھی فراہم کرے گی، اس کے علاوہ ٹکٹ اور ویزا بھی ایک ساتھ جاری کیا جائے گا۔

مکہ مکرمہ میں موسلا دھار طوفانی بارش کے دوران مسجد الحرام میں ایمان افروز مناظر

دوسری جانب سعودی عرب کی وزارت برائے حج و عمرہ کی طرف سے عازمین کے لیے عمرہ کی بکنگ کے حوالے سے تین اہم ہدایات جاری کی گئی ہیں وزارت حج نے ضیوف الرحمان کو مخاطب کرتے ہوئے کہا کہ عمرہ کی مناسک آسانی اور سہولت سے ادا کرنے کے لیے عمرہ کے لیے اپوائنٹمنٹ بک کرواتے وقت ہجوم کے اوقات سے بچنا یقینی بنائیں، آنے والے عمرہ زائرین اجازت نامہ پیش کرنے کے علاوہ، مقررہ وقت اور تاریخ پر اپنی حاضری کو یقینی بنائیں۔

محکمہ موسمیات کی آج سے ملک بھرمیں بارشوں کی پیشگوئی