پاکستان میں کرونا کیسز میں کمی،24 گھنٹوں میں 4 اموات

پاکستان میں کرونا کیسز میں کمی،24 گھنٹوں میں 4 اموات

باغی ٹی وی کی رپورٹ کے مطابق پاکستان میں کرونا وائرس کے کیسز میں بتدریج کمی ہو رہی ہے. گزشتہ 24 گھنٹوں میں 300 مریض سامنے آئے ہیں جبکہ مزید 4 افراد جان کی بازی ہار چکے ہیں

کرونا وائرس کے حوالہ سے بنائے گئے نیشنل کمانڈ اینڈ آپریشن سینڑ کی جانب سے جاری کردہ تازہ ترین اعدادوشمار کے مطابق پاکستان میں کوونا کیسز کی مجموعی تعداد2 لاکھ 96 ہزار143 ہوگئی ہے جبکہ6 ہزار298 افراد جاں بحق ہو چکے ہیں

پاکستان میں کورونا مریضوں کی تعداد8 ہزار881رہ گئی ہے۔ گزشتہ24 گھنٹوں کے دوران 20 ہزار 882 کوروناٹیسٹ کیے گئے ۔ ملک بھر میں کورونا ٹیسٹوں کی مجموعی تعداد 26 لاکھ 42 ہزار28 ہے۔

سندھ میں کورونا کیسز کی تعداد ایک لاکھ 29 ہزار 348 ہوگئی ہے۔ پنجاب میں‌ 96 ہزار769، خیبرپختونخوا میں 36 ہزار44، بلوچستان میں 12 ہزار869، اسلام آباد میں 15ہزار625، آزاد جموں و کشمیر میں 2 ہزار298 اور گلگت میں2 ہزار896 کرونا مریض ہیں.

کورونا وائرس کے باعث پنجاب میں 2 ہزار198 اور سندھ میں 2 ہزار401 اموات ہوئی ہیں۔ خیبر پختونخوا میں ایک ہزار250، اسلام آباد میں 175، بلوچستان میں141، ‏گلگت بلتستان میں 67 اور آزاد کشمیر میں کورونا سے اموات کی تعداد 62 ہو چکی ہے.