پاکستان میں ‌کرونا سے مزید 83 اموات،سندھ میں مریض 97 ہزار سے زائد

باغی ٹی وی کی رپورٹ کے مطابق پاکستان میں کرونا وائرس کا پھیلاؤ جاری ہے،گزشتہ 24 گھنٹوں میں 83 مریض جان کی بازی ہار گئے ہیں

پاکستان میں کورونا وائرس سے اب تک اموات 4ہزار 922 ہو چکی ہیں جبکہ ملک بھر میں مجموعی 2 لاکھ 37 ہزار 489 مریض سامنے آ چکے ہیں، کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردہ تازہ ترین اعدادوشمار کے مطابق گزشتہ24 گھنٹوں کے دوران ملک بھرمیں کورونا کے 2ہزار980 نئے مریض سامنے آئے اور 83افرادجاں کی بازی ہار گئے۔

پنجاب میں کرونا سے ایک ہزار929افراد کورنا وائرس سے جاں بحق ہوچکے ہیں ، سندھ میں ایک ہزار614، خیبرپختونخوا میں ایک ہزار45، بلوچستان میں 124، اسلام آباد میں 140، آزادکشمیر میں 40 اور گلگت بلتستان میں 30 کورونا مریض جان کی بازی ہار چکے ہیں.

سندھ میں کورونا متاثرین کی تعداد سب سے زیادہ 97ہزار626 ہوگئی ہے جب کہ پنجاب میں 83ہزار599، خیبرپختونخوا میں 28ہزار681، بلوچستان میں 10ہزار919، اسلام آباد میں 13ہزار650،گلگت میں ایک ہزار595 اور آزاد کشمیر میں ایک ہزار 490 مریض ہیں.

پاکستان میں ایک لاکھ 40 ہزار 965 کورونامتاثرین صحت یاب ہوئے۔ پاکستان میں اس وقت کورونا کے ایکٹو کیسز کی تعداد 91 ہزار 602 ہے۔

پاکستان میں کورونا ٹیسٹنگ صلاحیت یومیہ 60 ہزار سے زائد ہوگئی ہے۔ اور 132 ٹیسٹنگ لیبارٹریز کام کر رہی ہیں۔ کورونا کے مریضوں کیلئے ایک ہزار525وینٹی لیٹرز مختص ہیں۔