پاکستان پر ایسا وزیراعظم مسلط جو اپنی کم تنخواہ کا رونا روتا ہے، عظمیٰ بخاری
پاکستان پر ایسا وزیراعظم مسلط جو اپنی کم تنخواہ کا رونا روتا ہے، عظمیٰ بخاری
باغی ٹی وی کی رپورٹ کے مطابق مسلم لیگ(ن) پنجاب کی ترجمان عظمیٰ بخاری نے فیاض چوہان کے بیان پر ردعمل میں کہا ہے کہ دو سالوں میں 13ارب ڈالرز کے قرضے لینے والوں نے نئے پاکستان کی ایک اینٹ بھی نہیں لگائی
عظمیٰ بخاری کا کہنا تھا کہ آپ لوگوں نے 5ارب ڈالرز کے قرضے واپس کرکے کوئی احسان نہیں کیا،8ارب ڈالرز کے مزید قرضے ابھی آپ کے نالائق اعظم کے ذمے واجب الادا ہیں،نوازشریف نے اگر قرضے لیے تو پاکستان کو موٹرویز،بجلی کے منصوبے ،کسانوں اور نوجوانوں کو بلاسود قرضے اور لیپ ٹاپ دیے
عظمیٰ بخاری کا مزید کہنا تھا کہ عمران خان نے 13ارب ڈالرز کے قرضے بھی لیے اور قوم کو بیروزگاری،مہنگائی،غربت اور ملکی معیشت کو ناقابل تلافی نقصان بھی پہنچایا،عالمی مالیاتی ادارے پاکستان کی معیشت کےلئے خطرے کی گھنٹی بجارہے ہیں،یہی عالمی مالیاتی ادارے 2017میں پاکستان کو دنیا کی دس بڑی معیشتوں کے برابر آنے کی پیشگوئیاں کررہے تھے
عظمیٰ بخاری کا مزید کہنا تھا کہ بدقسمتی سے آج کوئی عالمی مالیاتی ادارہ پاکستان کی معیشت کے متعلق اچھی خبریں نہیں دے رہا،اس کی سب سے بڑی وجہ موجودہ حکومت کی فلاپ اورناکام معاشی پالیسیاں ہیں،جو شخص دو سالوں میں پانچ بار اپنی معاشی ٹیم تبدیل کرچکا ہے وہ معیشت خاک ٹھیک کرے گا؟ پاکستان پر ایسا وزیراعظم مسلط ہے جو اپنی کم تنخواہ کو رونا روتا ہے، لیکن اس کوعام آدمی کی بدحالی کی کوئی فکر نہیں,نئے پاکستان میں مافیاز کا راج ہے،جھوٹی اور خوشامدی تقریروں سے معیشت ٹھیک نہیں ہوگی:
