پاکستان کی تعلیم دوستی، بھائی چارے کی واضح مثال، فلسطینی طلبا نہ صرف پاکستان آئے بلکہ یونیورسٹی میں ان کا شاندار خیر مقدم کر کے پاکستانی حکام نے فلسطینی طلبا کے دل جیت لئے،
فلسطین، غزہ سے تعلیم کے لئے آئے میڈیکل کے44 طالب علم راولپنڈی میڈیکل یونیورسٹی کا حصہ بن گئے جن میں 11 طالبات اور 33 طلبا ہیں،پاکستان آنے والے غزہ کے طالب علم اب راولپنڈی میڈیکل یونیورسٹی میں اپنی تعلیم مکمل کریں گے۔پاکستان آنے والے طالب علم غزہ کی ال الازہر یونیورسٹی میں زیر تعلیم تھے،پاکستانی حکومت کی کوشش سے فلسطینی طلبا کا وفد پاکستان آیا جہاں ایئر پورٹ پر طلبا کا شاندار خیر مقدم کیا گیا، وہیں پاکستانی وزیراعظم شہباز شریف سے بھی طلبا کی ملاقات کروائی گئی، بعد ازاں فلسطینی طلبا کو راولپنڈی میڈیکل یونیورسٹی میں داخلہ دیا گیا،راولپنڈی میڈیکل یونیورسٹی آمد پرفلسطینی طلبا کو ڈاکٹر جہانگیر سرور، ڈاکٹر عمر اور ڈاکٹر رضوان تاج نے خوش آمدید کہا،اس موقع پر راولپنڈی میڈیکل یونیورسٹی کے طلبا و طالبات نے فلسطینی طلبا کا پرتپاک استقبال کیا، پھول پیش کیے،پرنسپل راولپنڈی میڈیکل یونیورسٹی ڈاکٹر جہانگیر سرور نے طلبا کو وائٹ کوٹ پہنائے۔وائس چانسلر راولپنڈی میڈیکل یونیورسٹی ڈاکٹر عمر نے طلبا کے لیے نیک خواہشات کا اظہار کیا۔
https://twitter.com/BaaghiTV/status/1855342800822571052
راولپنڈی میڈیکل یونیورسٹی میں فلسطینی طلبا کے استقبال کے لیے ایک خصوصی تقریب کا انعقاد کیا گیا جس میں یونیورسٹی کے چانسلر، فیکلٹی ممبرز، اور انتظامیہ کے اعلیٰ حکام نے شرکت کی۔ اس موقع پر خطاب کرتے ہوئے، راولپنڈی میڈیکل یونیورسٹی کے چانسلر نے کہا، "ہم خوش ہیں کہ ہم ان طلبہ کی تعلیم کے سفر کو جاری رکھنے میں مدد کر سکے ہیں۔ اس فیصلے نے ہمیں انسانیت کے تئیں اپنے عزم کو مزید مستحکم کرنے کا موقع دیا ہے۔ ہمیں یقین ہے کہ یہ نوجوان اپنی محنت سے نہ صرف اپنی زندگیوں میں کامیاب ہوں گے، بلکہ دنیا بھر میں امن، ہم آہنگی اور ترقی کے سفیر بھی بنیں گے۔”
راولپنڈی میڈیکل یونیورسٹی نے الفاظ سے زیادہ اہمیت دینے والے ایک قدم اٹھاتے ہوئے غزہ کی الازہر یونیورسٹی کے میڈیکل طلبہ کو اپنے ادارے میں خوش آمدید کہا ہے۔ یہ قدم ایک نئی اُمید، انسانیت کے جذبے اور تعلیم کے فروغ کے عزم کی علامت ہے۔غزہ کے میڈیکل طلبہ کے لیے راولپنڈی میڈیکل یونیورسٹی میں پذیرائی کا یہ لمحہ نہ صرف ان طلبہ کے لیے بلکہ ان کے والدین، اساتذہ اور ان کی کمیونٹی کے لیے بھی ایک نیا آغاز ثابت ہو گا۔ ان طلبہ کی تعلیم کو جاری رکھنے کے لیے یہ تعاون ایک منفرد نوعیت کا ہے جو اس بات کا غماز ہے کہ انسانیت اور تعلیم کی طاقت مشکل ترین حالات میں بھی ترقی کی راہ ہموار کر سکتی ہے۔
پاکستان کی جانب سے فلسطینی طلبا کو پاکستان میں تعلیم دلوانے کا یہ فیصلہ دراصل دونوں یونیورسٹیوں کے درمیان ایک نئے تعلیمی تعاون کا آغاز ہے۔ غزہ میں پیدا ہونے والی مشکلات اور امن و امان کی صورتحال کی وجہ سے پاکستان نے اپنی مدد پیش کی ہے تاکہ ان میڈیکل طلبہ کو اپنے تعلیمی سفر کو جاری رکھنے کا موقع مل سکے۔ اس اقدام کو عالمی سطح پر سراہا جا رہا ہے، کیونکہ اس میں ایک مثبت پیغام ہے کہ تعلیمی تعاون اور انسانیت کی خدمت کے راستے کبھی نہیں رکنے چاہیے۔
غزہ کے میڈیکل طلبا نے اس موقع پر جذباتی انداز میں شکریہ ادا کیا اور اپنی تعلیم کو جاری رکھنے کے لیے راولپنڈی میڈیکل یونیورسٹی کے منتظمین اور اساتذہ کا دل کی گہرائیوں سے شکریہ کیا۔
فلسطینی طلبا کی پاکستان آمد اور راولپنڈی میڈکل یونیورسٹی میں انکا شاندار استقبال اس بات کا واضح ثبوت ہے کہ تعلیم کا راستہ ہمیشہ کھلا رہنا چاہیے، بلکہ اس سے یہ پیغام بھی ملتا ہے کہ دُنیا بھر کے تعلیمی ادارے انسانیت کے مفاد میں آپس میں تعاون کر کے بہتر کل کی بنیاد رکھ سکتے ہیں۔یہ دلوں کو جوڑنے والی کہانی غزہ کے میڈیکل طلبہ کے لیے ایک نئی امید، ایک نیا عزم اور ایک نئی منزل کی نمائندگی کرتی ہے۔ راولپنڈی میڈیکل یونیورسٹی نے یہ ثابت کیا کہ دنیا کے مختلف حصوں میں انسانیت کا درد مشترک ہے اور جب تک ہم ایک دوسرے کی مدد نہیں کرتے، تب تک ترقی ممکن نہیں۔
قبل ازیں وزیراعظم شہباز شریف نے پاکستانی میڈیکل یونیورسٹیز میں زیر تعلیم فلسطینی طلباء و طالبات سے ملاقات کی تھی،وفاقی دارالحکومت اسلام آباد میں پاکستان میں زیر تعلیم فلسطینی طلباء و طالبات کے اعزاز میں خصوصی تقریب کا انعقاد کیا گیا جس میں وزیراعظم شہباز شریف شریک ہوئے اور فلسطینی طلبا و طالبات سے ملاقات کی، تقریب میں وفاقی وزیر عطا تارڑ،و دیگر بھی موجود تھے، وزیراعظم شہباز شریف نے تقریب سے خطاب کرتے ہوئے کہا کہ پاکستان جتنا ہمارا گھر ہے اتنا ہی آپ کا گھر بھی ہے۔پاکستان میں 145 فلسطینی طلباء کی موجودگی شروعات ہے,پاکستان فلسطینیوں کا دوسرا گھر ہے ،تمام طلبا کے اخراجات حکومت پاکستان برداشت کرے گی ،آپ مہمان نہیں ہمارے بھائی ہیں ،اس موقع پر تقریب کے دوران فلسطینی طلبا کا کہنا تھا کہ وہ پاکستانی حکومت اور الخدمت فاؤنڈیشن کے مشکور ہیں، یہاں ہمارا خیال اپنے بچوں کی طرح رکھا گیا ہے۔
یحییٰ سنوار کی موت کیسے ہوئی؟ پوسٹ مارٹم رپورٹ کی تفصیلات
یحییٰ سنوار کی شہادت اسرائیل کے لیے تباہی کا پیغام ثابت ہوگی،حماس
یحییٰ سنوار کی موت پر وہی احساسات جو اسامہ بن لادن کی موت پر تھے،جوبائیڈن
اذکار کے کتابچے،تسبیح، گھڑی،اسلحہ،شہید یحییٰ سنوار کا کل سامان
حماس کے نئے سربراہ یحییٰ سنوار شہید،حماس کی تصدیق
اسماعیل ہنیہ پر حملہ،ایران میں تحقیقات کے دوران گرفتاریاں
حافظ نعیم الرحمان کی اسماعیل ہنیہ کے بیٹوں سے ملاقات، تعزیت کا اظہار
