وزیراعظم شہباز شریف نے پاکستانی میڈیکل یونیورسٹیز میں زیر تعلیم فلسطینی طلباء و طالبات سے ملاقات کی ہے۔
وفاقی دارالحکومت اسلام آباد میں پاکستان میں زیر تعلیم فلسطینی طلباء و طالبات کے اعزاز میں خصوصی تقریب کا انعقاد کیا گیا جس میں وزیراعظم شہباز شریف شریک ہوئے اور فلسطینی طلبا و طالبات سے ملاقات کی، تقریب میں وفاقی وزیر عطا تارڑ،و دیگر بھی موجود تھے،وزیراعظم شہباز شریف نے تقریب سے خطاب کرتے ہوئے کہا کہ پاکستان جتنا ہمارا گھر ہے اتنا ہی آپ کا گھر بھی ہے۔پاکستان میں 145 فلسطینی طلباء کی موجودگی شروعات ہے,پاکستان فلسطینیوں کا دوسرا گھر ہے ،تمام طلبا کے اخراجات حکومت پاکستان برداشت کرے گی ،آپ مہمان نہیں ہمارے بھائی ہیں،فلسطین میں اسرائیلی بربریت پر دنیا خاموش تماشائی بنی ہوئی ہے،اسرائیل کی جانب سے بے گناہ فلسطینیوں کی نسل کشی جاری ہے، فلسطین میں شہر کے شہر اور گاؤں کے گاؤں تباہی کا منظر پیش کر رہے ہیں،سلامتی کونسل کی قراردادیں اور عالمی عدالت انصاف بے بس نظر آ رہی ہے،عالمی برادری نے جنگ بندی کیلئے مؤثر کردار ادا نہیں کیا،اسرائیل نے اقوام متحدہ کی قراردادوں اور عالمی برادری کی سفارشات کو ردی کی ٹوکری میں پھینک دیا ہے،اسرائیل نے ظلم و بربریت سے 43ہزار سے زائد فلسطینیوں کو شہید کر دیا،پاکستان کے عوام مشکل کی اس گھڑی میں فلسطینی اور لبنانی بھائیوں کے ساتھ کھڑے ہیں،فلسطینی طلباء کو تعلیم کیلئے پاکستان میں تمام تر سہولیات فراہم کی جائیں گی،فلسطینی طلباء کو سرکاری اخراجات پر تعلیم کی سہولیات فراہم کی جائیں گی،مزید بھی فلسطینی طلباء کو پاکستان لانے اور انہیں تعلیم دینے کیلئے اقدامات کو یقینی بنایا جائے گا
اس موقع پر تقریب کے دوران فلسطینی طلبا کا کہنا تھا کہ وہ پاکستانی حکومت اور الخدمت فاؤنڈیشن کے مشکور ہیں، یہاں ہمارا خیال اپنے بچوں کی طرح رکھا گیا ہے۔
یہ ملاقات اور تقریب فلسطینی طلباء و طالبات کے لئے ایک مثبت پیغام ہے کہ پاکستان ان کے ساتھ کھڑا ہے۔ اس طرح کی تقریبات نہ صرف دو طرفہ تعلقات کو مضبوط کرتی ہیں بلکہ انسانی ہمدردی کے جذبے کو بھی اجاگر کرتی ہیں۔ وزیراعظم کا ان طلباء سے ملنا ان کی محنت اور عزم کی قدر کرنے کا ایک اہم اقدام ہے۔ اس کے ساتھ ہی، یہ بات بھی قابل غور ہے کہ بین الاقوامی طلباء کی مدد اور سہولت فراہم کرنے سے پاکستان کی تعلیم کی عالمی حیثیت میں اضافہ ہوگا۔
یحییٰ سنوار کی موت کیسے ہوئی؟ پوسٹ مارٹم رپورٹ کی تفصیلات
یحییٰ سنوار کی شہادت اسرائیل کے لیے تباہی کا پیغام ثابت ہوگی،حماس
یحییٰ سنوار کی موت پر وہی احساسات جو اسامہ بن لادن کی موت پر تھے،جوبائیڈن
اذکار کے کتابچے،تسبیح، گھڑی،اسلحہ،شہید یحییٰ سنوار کا کل سامان
حماس کے نئے سربراہ یحییٰ سنوار شہید،حماس کی تصدیق
اسماعیل ہنیہ پر حملہ،ایران میں تحقیقات کے دوران گرفتاریاں
حافظ نعیم الرحمان کی اسماعیل ہنیہ کے بیٹوں سے ملاقات، تعزیت کا اظہار
