یونان کے نئے وزیر برائے مہاجرین نے ہجرت اور ملک میں غیر قانونی داخلے کی کوششوں کے حوالے سے ایک ”سخت لیکن منصفانہ“ پالیسی جاری رکھنے کا اعلان کیا ہے۔
باغی ٹی وی: غیر ملکی میڈیا کے مطابق سینٹرل رائٹ نیو ڈیموکریسی پارٹی نے اتوار کو ہونے والے انتخابات میں بائیں بازو کے مخالفین کو ہرا دیا،اب دائیں بازو کی اس جماعت نے یونان اور ترکی کی سرحد کے ساتھ دیوار کی توسیع کرنےاور مشرقی بحیرہ روم میں سخت گشت جاری رکھنے کا اعلان کیا ہے تاکہ تارکین وطن کی یورپی یونین میں داخل ہونے والی کشتیوں کو روکا جا سکے۔
امریکا کا یوکرین کو نصف ارب ڈالر مالیت کے ہتھیاردینے کا اعلان
یونان کے وزیر اعظم کیریاکوس میتسوتاکس کی نئی حکومت کے حلف اٹھانے کے چند گھنٹے بعد نومنتخب وزیر دیمتریس کیریڈیس نے صحافیوں سے بات کرتے ہوئے کہا کہ ہم انسان دوست ہیں لیکن نادان نہیں ہیں،کیریڈیس نے کہا کہ ان کی حکومت کو امید ہے کہ اگلے چھ مہینوں میں یورپی یونین کے وسیع ہجرت کے معاہدے کی منظوری کو حتمی شکل دی جائےگی جب یورپی یونین کا ساتھی رکن اسپین یورپی یونین کی گردشی صدارت سنبھالے گا۔
حجاج رات مزدلفہ میں گزار کر واپس منیٰ کی جانب روانہ
دوسری جانب انسانی حقوق کے گروپس نے تارکین وطن کو زبردستی واپس بھیجے جانے کی متعدد رپورٹوں پر تشویش کا اظہار کیا ہے، جسے پش بیکس بھی کہا جاتا ہےاس دعوے کی حکومت نےتردید کی ہے لیکن مکمل طور پر آزاد انکوائری کی جانچ پڑتال سے مشروط ہونے سے بھی انکار کر دیا ہے۔
