ٹھٹھہ :پیرا میڈیکل اسٹاف ودیگر ملازمین نے سول اسپتال مکلی کو تالے لگادئیے

باغی ٹی وی ،ٹھٹھہ ( راجہ قریشی نامہ نگار) پیرا میڈیکل اسٹاف ودیگر ملازمین نے سول اسپتال مکلی کو تالے لگادئیے
تفصیل کے مطابق پیرا میڈیکل اسٹاف اور سول اسپتال مکلی کے تمام ملازمین کی جانب سے اسپتال کی مکمل تالا بندی کردی گئی،ٹھٹھہ اور دیگر علاقوں سے آئیے ہوئے مریضوں کو سخت دشواری کا سامنا ،ہسپتال کے ملازمین نے ایمرجنسی وارڈ کے سوا تمام شعبے بند کردئے،اس وقت پیرا میڈیکل اسٹاف اور سول اسپتال کے تمام ملازمین کا دھرنا جاری ہے اور سندھ حکومت اور وزیرصحت کے خلاف سخت نعرے بازی جاری ہے ،پیرامیڈیکل سٹاف کے رہنماؤں کا کہنا ہے کہ حکومت ہمارا رسک الاؤنس بحال کرے ہمیں میٹھی لولی پاپ دینے کا سلسلہ بند کرکے ہمارے جائیز مطالبات منظور کئے جائیں،جب تک ہمارے جائز مطالبات پورے نہیں کئے جاتے اس وقت تک ہمارا احتجاج کا سلسلہ جاری رہے گا.