پارکنگ کمپنی اسکینڈل کیس، لیگی رہنما کی درخواست ضمانت پر ہو گی سماعت

لاہورہائی کورٹ میں پارکنگ کمپنی اسکینڈل کیس کی سماعت آج ہو گی

باغی ٹی وی کی رپورٹ کے مطابق لاہور ہائیکورٹ کا 2رکنی بنچ مسلم لیگ ن کے رہنما حافظ نعمان کی درخواست پر سماعت کرے گا ،درخواست میں ڈی جی نیب لاہور سمیت دیگر کوفریق بنایا گیا ،

درخواست کے متن میں کہا گیا ہے کہ سپریم کورٹ نےضمانت منسوخی کا لاہور ہائی کورٹ کا فیصلہ کالعدم قرار دے دیا تھا،درخواست میں عدالت سے استدعا کی گئی ہے کہ ہائی کورٹ درخواست ضمانت منظور کر کے رہائی کا حکم دے،

واضح رہے کہ جولائی میں احتساب عدالت نمبر پانچ نے لاہور پارکنگ کیس میں ملوث سابق چیئرمین حافظ نعمان ، تاثیر احمد اور محمد عثمان پر فردجرم عائد کی تھی، ملزمان کیخلاف الزام ہے کہ انہوں نے لاہور پارکنگ کمپنی میں تعیناتی کے دوران گورنمنٹ کو کروڑوں روپے کا نقصان پہنچایا۔

جیلوں میں قید ملزموں کو سہولیات نہ ملنے پرنیب کا بڑا فیصلہ

واضح رہے کہ نومبر 2018 میں لاہور ہائیکورٹ کے جسٹس طارق عباسی کی سربراہی میں دو رکنی بنچ نے حافظ نعمان کی درخواست ضمانت پر سماعت کی تھی ، حافظ نعمان عدالت میں پیش ہوئے، ان کے وکیل نے بتایا کہ حافظ نعمان کمپنی کے پہلے اعزازی سربراہ تھے اور صرف رسمی طور پر بورڈ اجلاس میں حصہ لیتے رہے، وکیل نے دعویٰ کیا کہ حافظ نعمان نے لاہورپارکنگ کمپنی سے کسی بھی مد میں ایک روپیہ بھی وصول نہیں کیا اور قانون کے مطابق ٹھیکہ دیا۔

سینیٹ اجلاس، نیب آرڈیننس میں ترمیم کا بل پیپلز پارٹی آج پیش کریگی

نیب پراسیکیوٹر نے بتایا کہ حافظ نعمان نے من پسند افراد کو پارکنگ کا ٹھیکہ دیا اور قومی خزانے کو نقصان پہنچایا، 246 مقامات سے صرف 33 مقامات پر پارکنگ کے انتظامات کیے گئے، 30 جون کو حافظ نعمان کے وارنٹ گرفتاری جاری کر دیئے گئے تھے، نیب پراسیکیوٹر نے مزید کہا حافظ نعمان کی عبوری ضمانت مسترد کی جائے۔ لاہور ہائیکورٹ کے دو رکنی بنچ نے حافظ نعمان کی عبوری ضمانت مسترد کر دی تھی جس کے بعد نیب نے حافظ نعمان کو گرفتار کرکے لاہور ہائیکورٹ سے نیب آفس منتقل کر دیا۔