عمران خان کے قریبی ساتھی نے پارٹی سے راہیں جدا کر لیں

اسلام آباد: چیئر مین تحریک انصاف عمران خان کے قریبی ساتھی اور این اے 131 کے امید وار ندیم ہارون رشید خان نے تحریک انصاف سے اپنی راہیں جدا کرلیں۔

باغی ٹی وی: تفصیلات کے مطابق ندیم ہارون رشید نے9 مئی کے واقعات کی مذمت کرتے ہوئے کہا ہے کہ ابھی کسی بھی سیاسی پارٹی کو جوائن نہیں کیا،پاکستان کی جغرافیائی سرحدوں کی محافظ فوج ہمارا سرمایہ ہیں ، ان کے خلاف ہونے والی کسی بھی سازش کا حصہ نہیں بن سکتا۔

یاد رہے کہ سانحہ 9 مئی کے بعد کئی رہنماؤں نے پاکستان تحریک انصاف کو چھوڑ دیا ہے،ہ ملک میں 9 مئی کو ہونے والی شرپسندی کے بعد قانون نافذ کرنے والے اداروں نے سخت ایکشن لیتے ہوئے متعدد شرپسندوں کو گرفتار کیا جب کہ اس موقع پر تحریک انصاف کے مرکزی رہنماؤں کو تھری ایم پی او کے تحت نظر بند کیا گیا۔

سانحہ 9 مئی:مزید 29 افراد گرفتار،انسداد دہشتگردی عدالت میں پیش

پی ٹی آئی کے خلاف کریک ڈاؤن کے بعد اب تک پارٹی کے کئی نامور رہنما اسے خیرباد کہہ چکے ہیں جن میں فواد چوہدری، شیریں مزاری، عامر کیانی، علی زیدی، عمران اسماعیل، پرویز خٹک، محمود خان، فردوس عاشق اعوان، فیاض چوہان، ملیکہ بخاری، آفتاب صدیقی، محمود مولوی بھی شامل ہیں جب کہ پارٹی کے سیکرٹری جنرل اسد عمر بھی تمام عہدوں سے مستعفی ہوچکے ہیں۔

حکومت صاف شفاف انتخابات کے انعقاد کیلئے ہر قسم کا تعاون کرے گی،نگران وزیراعظم