جوڈیشل کمپلیکس حملہ کیس:پرویزالٰہی کی درخواست ضمانت پرسماعت ملتوی

لاہور ہائیکورٹ ،پرویز الٰہی کی رہائی اور کسی بھی مقدمے میں گرفتار نہ کرنے کے سنگل بنچ کے فیصلے کے خلاف نیب کی اپیل پر سماعت ہوئی

عدالت نے درخواست گزار نیب پراسیکیوٹر کو سنگل بنچ کے عملدرآمد آرڈر کاپی پیش کرنے کی ہدایت کر دی،عدالت نے نیب پراسیکیوٹر ک نقول فراہم کرنے کیلئے مہلت دیدی .عدالت نے نیب پراسیکیوٹر سے استفسار کیا کہ آپ کس طرح سنگل بنچ کے فیصلے سے متاثر ہیں، نیب پراسیکیوٹر نے کہا کہ ہمیں اس کیس میں سنا نہیں گیا بلکہ عملدرآمد کیس میں طلب کیا گیا، عدالت نے کہا کہ آپ نے اس آرڈر کو چیلنج کیوں نہ کیا، نیب پراسیکیوٹر نے کہا کہ عملدرآمد درخواست ابھی زیر التوا ہے اور عبوری حکم کو چیلنج نہیں کیا جاسکتا،

جسٹس علی باقر نجفی کی سربراہی میں دو رکنی بنچ نے نیب کی اپیل پر سماعت کی ،نیب نے اپنی انٹرا کورٹ اپیل میں پرویز الٰہی سمیت دیگر کو فریق بنایا ہے ،نیب اپیل میں کہا گیا کہ سنگل بنچ نے نیب کا پورا موقف سنے بغیر پرویز الٰہی کی رہائی کا حکم دیا ۔ پرویز الٰہی کی گرفتاری قانونی تھی پرویز الٰہی ریمانڈ پر تھے ۔سنگل بنچ نے حقائق کا درست جائزہ نہیں لیا اور رہائی کا حکم جاری کر دیا ۔پرویز الٰہی کو کسی بھی کیس میں گرفتار نہ کرنے کا حکم بھی قانونی طور پر درست نہیں لاہور ہائیکورٹ سنگل بنچ کا پرویز الٰہی کو رہا کرنے اور کسی بھی مقدمے میں گرفتار نہ کرنے کے فیصلے کو کالعدم قرار دے ۔ عدالت اپیل کے حتمی فیصلے تک سنگل بنچ کا فیصلہ معطل کرے۔

اسلام آباد: جوڈیشل کمپلیکس حملہ کیس میں انسداد دہشتگری عدالت اسلام آباد میں پرویزالٰہی کی درخواست ضمانت پرسماعت میں پولیس نے آج بھی ریکارڑ جمع نہیں کروایا۔ جوڈیشل کمپلیکس حملہ کیس میں انسداد دہشتگری عدالت اسلام آباد میں پرویزالٰہی کی درخواست ضمانت پرسماعت ہوئی انسداد دہشتگری عدالت اور جوڈیشل کمپلیکس حملہ کیس میں سابق وزیراعلیٰ پنجاب کی جانب سے وکیل سردارعبدالرازق کے جونیئر وکیل پیش ہوئے، پولیس کی جانب سے آج بھی ریکارڈ جمع نہ کروایا جاسکا،انسداد دہشت گردی عدالت نے پولیس کو ریکارڈ جمع کروانے کی ہدایت کرتے ہوئے کہا کہ درخواست ضمانت پر سماعت کل تک ملتوی کردیتےہیں۔

کراچی میں 114 تھانوں کے ایس ایچ اوز کی تقرریاں اور تبادلے متوقع

پرویز الٰہی کےوکیل کےجونیئروکیل نےسماعت 14 ستمبر تک ملتوی کرنے کی استدعا کی اس پر عدالت نے ریمارکس دیئے کہ 14 ستمبرکو دیگراہم کیسز سماعت کیلئے مقرر ہیں، ہم کیس کی سماعت 15ستمبرکو رکھ لیتے ہیں،بعد ازاں انسداد دہشت گردی عدالت نے پرویزالٰہی کی درخواست ضمانت پرسماعت 15ستمبر تک ملتوی کردی۔

عمران خان کوجیل میں دیسی چکن دینےکیلئےاکاؤنٹ میں 79ہزارروپےجمع