لاہور کی اینٹی کرپشن عدالت نے پاکستان تحریک انصاف (پی ٹی آئی) کے صدر پرویز الہٰی کی عبوری ضمانت مسترد ہونے کا تحریری فیصلہ جاری کردیا۔
باغی ٹی وی: اینٹی کرپشن عدالت کے جج علی رضا نے دو صفحات پر مشتمل تحریری فیصلہ جاری کیا پرویزالہٰی پر ترقیاتی منصوبوں کے کاموں میں کرپشن سمیت دیگر الزامات کے تحت مقدمہ درج ہے۔
جی ایچ کیو ہنگامہ آرائی کی مرکزی ملزم کنول شوذب بیرون ملک فرار
عدالت کے تحریری فیصلے میں لکھا گیا ہے کہ قانون تمام شہریوں کےلیے برابر ہے، عدالت پرویز الہٰی کی ضمانت عدم حاضری کی بنیاد پر مسترد کرتی ہے۔ عبوری ضمانت میں قانون واضح ہے۔
تحریری فیصلے کے مطابق تفتیشی افسر نے عدالت کو بتایا کہ ابھی تک پرویز الہٰی شامل تفتیش نہیں ہوئے پرویز الہٰی کی میڈیکل رپورٹس کی بھی سرکاری سطح پر تصدیق نہیں ہوسکی ہے۔
آج شاید میری آخری سیاسی پریس کانفرنس ہے،عمران اسماعیل نے بھی پی ٹیآئی کو خیرباد …
واضح رہے کہ گزشتہ روز پنجاب پولیس نے محکمہ اینٹی کرپشن کی ٹیم کے ساتھ تحریک انصاف کے صدر اور سابق وزیراعلیٰ پنجاب چوہدری پرویز الہیٰ کی گرفتاری کے لیے ان کے گھر پر چھاپہ مارا اور گھر کی تلاشی لی تاہم پرویز الہیٰ گھر پر موجود نہ تھے۔
