کراچی سے لاہور جانے والی نجی ایئر لائن کی پرواز کو شدید جھٹکوں کا سامنا، تیز آندھی نے پرواز کو بری طرح متاثر کیا۔
باغی ٹی وی کے مطابق کراچی سے لاہور جانے والی نجی ایئرلائن کی پرواز تیز آندھی کے باعث شدید متاثر ہوئی، جس کے نتیجے میں طیارے کو کئی منٹ تک جھٹکے محسوس ہوتے رہے اور مسافروں میں شدید خوف پھیل گیا۔پرواز کئی منٹ تک آندھی کی زد میں رہی، طیارے کو بار بار جھٹکے لگے۔ مسافروں کی خوف کے مارے چیخیں نکل گئیں۔ جہاز لینڈنگ پوزیشن میں آ چکا تھا۔
پرواز لینڈنگ پوزیشن میں آ چکی تھی کہ اچانک تیز آندھی کی زد میں آ گئی۔ خراب موسم کے باعث طیارے کو مسلسل جھٹکے لگے، جس سے کئی مسافروں کی چیخ و پکار سنائی دینے لگی اور کیبن میں افراتفری پیدا ہوگئی۔پائلٹ نے پیشہ ورانہ مہارت کا مظاہرہ کرتے ہوئے طیارے کو غیر موزوں موسم میں واپس موڑ لیا۔خراب موسم کے باعث اے ٹی سی کی جانب سے طیاروں کو موسمی وارننگ جاری۔
لاہور ایئرپورٹ پر موسم کی صورتحال بہتر ہو گئی، اے ٹی سی نے پروازوں کی روانگی کی اجازت دے دی۔پی آئی اے کی پرواز پی کے 767 جدہ کچھ دیر بعد روانہ ہوگی۔ ابو ظہبی جانے والی نجی ائیر لائن کی پرواز کی روانگی کا بھی اعلان کر دیا گیا۔شارجہ جانے والی پرواز کو بھی اجازت مل گئی۔ دوسرے شہروں میں اترنے والی تمام پروازیں لاہور آنے کے لئے تیار ہیں۔
دوسری جانب کوالالمپور جانے والی نجی ائیرلائن رات 12 بجے تک تاخیر کا شکار ہے۔ طوفانی بارش اور آندھی کے باعث فلائٹ آپریشن جزوی طور پر متاثر ہوا تھا۔
