سیالکوٹ(باغی ٹی وی بیوروچیف شاہد ریاض)تھانہ سٹی پسرور پولیس کی کارروائی، مہندی کی تقریب میں لاؤڈ اسپیکر پر فحش ڈانس کرنے پر دو خواتین اور دولہے سمیت 8 افراد گرفتار۔
تفصیلات کے مطابق تھانہ سٹی پسرور کی حدود میں واقع محلہ کوٹ کبہ میں سٹی میرج ہال کے اندر رات تقریباً 1:30 بجے مہندی کی تقریب میں لاؤڈ اسپیکر پر فحش ڈانس کیا جا رہا تھا جس کی وجہ سے محلے کے رہائشی شدید پریشانی کا شکار ہو گئے۔ محلے والوں کی شکایت پر ایس ایچ او تھانہ سٹی پسرور محمد یعقوب کسانہ نے فوری کارروائی کرتے ہوئے سٹی میرج ہال پر چھاپہ مارا اور دولہے سمیت 8 افراد کو گرفتار کر لیا۔
گرفتار ہونے والوں میں دو خواتین، کرن زوجہ شہزاد اور سائرہ زوجہ حسن شامل ہیں جو مختصر لباس میں فحش ڈانس کر رہی تھیں۔ ان کے ساتھ دولہا زبیر ولد محمد امجد، ملک حمزہ ولد ملک عباس، وقار علی ولد ظہور احمد، ملک داود ولد ملک عباس، محمد فرید ولد محمد اعجاز، اور سعد ولد جاوید احمد بھی شامل ہیں۔ پولیس نے تمام ملزمان کے خلاف تھانہ سٹی پسرور میں ایف آئی آر درج کر لی ہے۔
پولیس کا کہنا ہے کہ اس طرح کے غیر اخلاقی اقدامات کی روک تھام کے لیے سخت قانونی کارروائی کی جائے گی۔
