پسرور (باغی ٹی وی،نامہ نگاروقاص اسلم ) تحصیل پسرور میں بڑی تعداد میں شہری ڈرائیونگ لائسنس بنوانے کے لیے متعلقہ دفاتر کا رخ کر رہے ہیں۔ اس حوالے سے ڈی ایس پی عدنان قاسم نے بتایا کہ 27 تاریخ سے بغیر لائسنس گاڑی چلانے والوں کے خلاف بھرپور کریک ڈاؤن شروع کیا گیا ہے۔
ڈی ایس پی کے مطابق اب تک تقریباً 25 ہزار کے قریب ڈرائیونگ لائسنس جاری کیے جا چکے ہیں۔ انہوں نے کہا کہ جن شہریوں کے پاس ابھی تک لائسنس موجود نہیں، وہ اپنا اصل شناختی کارڈ لے کر تھانہ صدر پسرور آئیں، جہاں 10 سے 15 منٹ میں لائسنس جاری کر دیا جائے گا۔
ڈی ایس پی عدنان قاسم نے مزید بتایا کہ موٹر سائیکلوں کی نمونہ نمبر پلیٹس کے خلاف بھی اب سخت کارروائی کی جائے گی اور قانون کی خلاف ورزی کرنے والوں سے کسی قسم کی رعایت نہیں برتی جائے گی۔
