پتوکی میں انسانیت سوز وقوعہ پر ڈی پی او کی یقین دہانی

قصور
گزشتہ شام تحصیل پتوکی میں شادی کی تقریب کے دوران باراتیوں کی طرف سے محنت کش پاپڑ فروش کو تلخ کلامی پر جانبحق کرنے پر ڈی او قصور کا ازخود نوٹس،جلد لواحقین کو انصاف دلوانے کی یقین دہانی

تفصیلات کے مطابق گزشتہ شام قصور کی تحصیل پتوکی میں الجنت میرج ہال پتوکی میں آصف ولد نور دین کی بارات میں تحصیل قصور قصبہ کھڈیاں کا رہائشی اشرف عرف سلطان پاپڑ فروش پاپڑ بیچنے گیا تو پاپڑ فروش محنت کش کو تلخ کلامی پر 5 سے 6 باراتیوں نے مار مار کر جانبحق کر دیا اور ساری بارات تماشہ دیکھتی رہی
نیز لاش کی تذلیل یہ کی گئی کہ سلطان پاپڑ فروش کی لاش کی شادی ہال میں موجودگی پر بھی ساری بارات کھانا کھاتی رہی
وقوعہ کہ اطلاع پا کر ڈی ایس پی پتوکی سمیت مقامی پولیس فوری موقعہ پر پہنچی اور لاش کو ہسپتال منتقل کیا اور ہوٹل کے مینجر وقاص کو حراست میں لے لیا ہے جس سے تفتیش جاری ہے
پولیس نے مقتول کے برادر نسبتی کی مدعیت میں مقدمہ درج کر لیا ہے
جبکہ ڈی پی او قصور محمد صہیب اشرف کا کہنا ہے کہ ان شاءاللہ شفاف تحقیقات کے بعد اصل حقائق دیکھتے ہوئے انصاف کی فراہمی کو یقینی بنایا جائے گا