پاکستان بار کونسل کا 9 ستمبرکو ملک گیرعدالتی ہڑتال کا اعلان

پاکستان بار کونسل کے عہدیداروں نے سپریم کورٹ میں پریس کانفرنس کرتے ہوئے 9 ستمبر کو ملک گیر عدالتی ہڑتال کا اعلان کر دیا

پاکستان بار کونسل کے عہدیداروں نے پریس کانفرنس کرتے ہوئے کہا کہ 9ستمبر کوکوئی وکیل کسی بھی عدالت میں پیش نہیں ہوگا ، وکلا پروٹیکشن بل پر فی الفور عمل کیا جائے ہمارا مطالبہ ہے کہ وکلا کے گھروں پر غیر قانونی ریڈ ختم کرے وکلا اپنا قانونی حق استعمال کرکے اپنے موکل کا موقف عدالت میں پیش کرتے ہیں جن ججز پر ریفرنسز دائر ہیں ان پر کاروائی عمل میں لائی جائے ،نامزد چیف جسٹس پاکستان قاضی فائز عیسیٰ سے مطالبہ ہے کہ ریفرینسز پر کاروائی کرے ،

پاکستان بار کونسل ایگزیکٹو کمیٹی کے چیئرمین حسن رضا پاشا کا کہنا تھا کہ آئین کے مطابق 90 روز کے اندر انتخابات کا اعلان کیا جائے، صدر مملکت عام انتخابات کی تاریخ کا اعلان کریں، صدر کسی سے مشورہ مت کریں ،جبری گمشدگیوں کا خاتمہ کیا جائے، فوج، ججز اور سول بیوروکریسی کو حاصل مراعات کا فوری خاتمہ کیا جائے،

پاکستان بار کونسل نے 5 ستمبر کو وکلا تنظیموں کی کانفرنس کا اعلان کیا ہے،