پاکستان کرکٹ ٹیم کے سابق کپتان شاہد آفریدی نے کہا ہے کہ پاکستان کرکٹ بورڈ (پی سی بی) کو طویل مدت کے لیے کپتان کا تقرر کرنا چاہیے۔ بوم بوم آفریدی نے یہ تجویز بھی پیش کی کہ تمام فارمیٹس میں مین ان گرین کے لیے کوئی نائب کپتان نہیں ہونا چاہیے۔ انہوں نے اسپورٹس اکیڈمی کے ایک پروجیکٹ کے دوران صحافیوں سے بات کرتے ہوئے اظہار خیال کیا۔”پی سی بی کو چاہیے کہ وہ دو سے تین سال کے لیے کپتان کا اعلان کرے تاکہ کپتانی کی بحث ختم ہو سکے،انہوں نے مزید کہا کہ "کسی کو نائب کپتان مقرر کرنے کی ضرورت نہیں ہے، اگر کپتان کسی وجہ سے دستیاب نہیں ہے تو کپتانی کی ذمہ داری کسی ایسے کھلاڑی کو سونپ دیں جو موزوں لگے۔آفریدی نے بھی اپنے سابق ساتھی محمد حفیظ کی حمایت کا اظہار کرتے ہوئے مشورہ دیا کہ انہیں پاکستان کے ٹیم ڈائریکٹر کے طور پر اپنے کردار میں مزید وقت دیا جائے.حفیظ نے کافی کرکٹ کھیلی ہے۔ انہیں ٹیم ڈائریکٹر کے طور پر مزید وقت دیا جانا چاہیے،‘‘ آفریدی نے کہا۔ ’’اگر کوئی یہ سمجھتا ہے کہ ایک سیریز میں سب کچھ بدل جائے گا تو یہ غلط سوچ ہے۔‘شاہد آفریدی نے نیوزی لینڈ اور آسٹریلیا کے حالیہ دوروں میں پاکستان کی کارکردگی پر بھی تبصرہ کیا۔ آفریدی نے مزید کہا کہ "ہم نے نیوزی لینڈ اور آسٹریلیا کے دوروں کے دوران کچھ مواقع گنوائے، اپنی بہترین سطح پر کارکردگی دکھانے میں ناکام رہے۔” انہوں نے ویسٹ انڈیز اور ریاستہائے متحدہ امریکہ (USA) میں کھیلے جانے والے آئندہ T20 ورلڈ کپ سے قبل ٹیم میں بہت زیادہ تبدیلیاں کرنے کے خلاف مشورہ دیا۔ورلڈ کپ سے پہلے اسکواڈ میں زیادہ تبدیلیاں نہیں ہونی چاہئیں۔ تاہم، یہ جاننا ضروری ہے کہ کسی خاص کھلاڑی کو کب آرام کرنا ہے یا کھیلنا ہے،
Shares:
